Ким өөрийг нь дээрэмдсэн этгээдүүдийг шүүх хуралд 3 сая ам.долларын зүүлттэй иржээ

Реалити шоуны од, загвар өмсөгч Ким Кардашьян өөрийг нь дээрэмдсэн этгээдүүдийг шүүх хуралд гурван сая ам.долларын үнэ бүхий зүүлт зүүн иржээ.

Тэрбээр 2016 онд Парис хотод гарсан хэргээр мэдүүлэг өгөхөөр ирэхдээ 80 ширхэг очир эрдэнийн шигтгээтэй цагаан алтан зүүлтээр гоёсон байжээ. Samer Halimeh New York брэндийн зүүлт гурван сая ам.долларын үнэтэй. Ким мөн 8100 ам.долларын Briony Raymond чихний кафф, алмаазан ээмэг, шагайн гинж, бөгж зүүсэн байна.

2016 оны аравдугаар сард Кардашьяныг Парист зочид буудалд байхад нь дээрэмджээ. Тэд 10 сая ам.долларын үнэ бүхий үнэт эдлэлүүдийг нь дээрэмдсэн байна. Дээрэмчид “Өвгөн дээрэмчид” багийн гишүүд бөгөөд 60-80 насныхан гэнэ. Тэдний тав нь эл хэрэгт оролцсон бөгөөд бусдыг нь хэрэг хийхэд туслалцсан гэж үзэж байна. Сэжигтний нэг нь хорвоог орхисон бөгөөд нэг нь сэтгэцийн өвчтэй тул шүүх эсэх нь тодорхойгүй байна.