Эрэн сурвалжлагдаж байсан БНСУ-ын иргэнийг албадан гаргалаа

БНСУ-ын Интерполын “Улаан булант” зар мэдээгээр эрэн сурвалжлагдаж байх хугацаандаа Монгол Улсад хууль бусаар оршин сууж, орогнож байсан тус улсын иргэнийг олж тогтоон баривчилж, энэ оны наймдугаар сарын 06-ны өдөр Монгол Улсаас эх оронд нь албадан гаргах ажиллагааг зохион байгууллаа.

Цагдаагийн ерөнхий газрын Интерполын Үндэсний төв товчоо, Эрүүгийн цагдаагийн алба, Гадаадын иргэн, харьяатын газартай хамтран Өмнөд Солонгосын Интерполын Үндэсний төв товчоотой шуурхай мэдээ, мэдээлэл солилцож хамтран ажиллаж баривчилсан юм.

Уг этгээд нь БНХАУ-д байрлаж, БНСУ-ын хууль сахиулах байгууллагын ажилтны дүр эсгэн иргэд рүү утсаар холбогдон 590 гаруй сая вон залилсан байна.