“Милан–Кортина 2026” | ОУОХ-ны гишүүн Б.Баттүшиг шагнал гардууллаа

“Милан-Кортина”-2026 өвлийн олимпын наадмын гүйлтийн цанын спринт төрлийн уралдаанууд Италийн Тесеро хотноо болж шилдгүүд тодорсоор байна.

Эмэгтэйчүүдийн гүйлтийн цанын спринт (1.5км) төрөлд медаль хүртсэн тамирчдад ОУОХ-ны гишүүн, МҮОХ-ны ерөнхийлөгч Б.Баттүшиг шагнал гардуулав.

Мөн өнөөдөр Монгол Улсын шигшээ баг тамирчдаас Б.Ачбадрах, Э.Ариунтангалаг нар энэ төрөлд амжилттай өрсөлдөж хоёул байр ахиулж барианд оров. 3 дахь олимпдоо оролцож буй Б.Ачбадрах 95 тамирчнаас 81-р байрт, анх удаа олимпын замд гарсан Э.Ариунтунгалаг 89 тамирчнаас 68-р байрт тус тус шалгарсан билээ.

Манай тамирчдыг энэ сарын 12, 13-ны өдрүүдэд сүүлийн уралдаанууд хүлээж байна. Баг тамирчдадаа амжилт хүсье.

Фото: Э.Харуцага, Д.Нямбилэг