МАН-ын Бага хурлыг ням гарагт ТОВЛОЖЭЭ
УИХ дахь Монгол ардын намын бүлэг өчигдөр (2026.03.27) хуралдаж Г.Занданшатарыг Ерөнхий сайдаас чөлөөлөхийг дэмжсэн. Бүлгийн хуралдаанд Ерөнхий сайд оролцоогүй бөгөөд МАН-ын Удирдах зөвлөлийн байр суурийг Ерөнхий нарийн бичгийн дарга Я.Содбаатар танилцуулсан байна.
Ардчилсан намын зүгээс эрх баригч намын дарга УИХ-ын дарга байх нь зохимжгүй, парламентат ёсыг алдагдуулж байна гэж үзэн УИХ-ын чуулганд оролцохгүй бойкотт зарласан юм. Улмаар үүнээс үүдэн Ардын намын бүлэг өчигдөр хуралдан Н.Учралыг Ерөнхий сайд болгох эсэх асуудлыг хэлэлцсэн. Үүнээс улбаалж өнөөдөр МАН-ын Удирдах зөвлөл хуралдан, уг хуралд Г.Занданшатар албан тушаалаасаа чөлөөлөгдөх хүсэлтээ өгсөн.
Үүний дараа УИХ-ын Төрийн байгуулалтын байнгын хорооны хуралдаанаар Ерөнхий сайд Г.Занданшатарыг өөрийнх нь хүсэлтээр үүрэгт ажлаас нь чөлөөлөх тухай асуудлыг хэлэлцэж олонхын саналаар дэмжиж, санал хураалтад нийт 19 гишүүн оролцож 84.2% саналаар үүрэгт ажлаас нь чөлөөлөхийг дэмжжээ.
Дараалал ёсоор УИХ мөн энэхүү асуудлыг хэлэлцэж, Г.Занданшатарыг чөлөөлөхийг дэмжсэн байна.
Маргааш буюу ням гарагийн 10:00 цагаас МАН-ын Бага хурал хуралдаж Ерөнхий сайдад нэр дэвшүүлэх асуудлыг хэлэлцэнэ.
Сэтгэгдэл ( 0 )