Орхон аймагт 324 айл үерт автжээ

Автор | Zindaa.mn
2012 оны 07 сарын 06

Орхон аймгийн Баян-Өндөр сумын Их залуу, Шанд, Рашаант багийн нутгаар энэ сарын 4-ний 17.00 цагийн орчим хүчтэй аадар бороо орсны улмаас 324 айл үерт автжээ. Дуудлагын дагуу тус аймгийн Онцгой байдлын хэлтсийн албан хаагчид ажилласан байна. Аврагчид тухайн нутаг дэвсгэрт байрлах айлуудын гэр, орон сууц үерийн усанд автсан байсныг усны гольдролыг нь өөрчилж, үерийн суваг шуудуунд холбосон байна. Энэ үеэр үерийн усанд боогдсон долоон иргэнийг аюулгүй газарт гаргаж, таван айлын гэрийг нүүлгэн шилжүүлжээ.

Эх сурвалж: "Монголын үнэн" сонин

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top