ЭЕШ-ын бүртгэлийн хугацаа энэ сарын 20-нд дуусна

Элсэлтийн ерөнхий шалгалтын шалгуулагчдын бүртгэл орон даяар Улаанбаатар хотын цагаар өнгөрсөн хоёрдугаар сарын 9-нд 9-ний цагт эхэлсэн юм. Тэгвэл энэхүү бүртгэл энэ сарын 20-ны 18 цагт дуусна. Шалгуулагчдад анхааруулахад энэхүү бүртгэлийг хугацаа, цагийг сунгахгүй ба нэмэлт бүртгэл хийхгүй юм байна.

ЭЕШ-ын шалгуулагчдыг интернэтээр болон Боловсролын үнэлгээний төвөөс тусгайлан эрх олгосон бүртгэгчид бүртгэнэ. Онлайн бүртгэл  www.eec.mn веб сайтаар явагдаж байгаа юм.

ЭЕШ-ын хураамж шалгалт бүрд 5800 төгрөг, батламж карт 700 төгрөг байх бөгөөд шалгуулагч хэдэн ч шалгалт өгсөн нэг батламж хуудастай байх аж.

Шалгуулагчид шалгалт өгөх ЭЕШ-ын байр, анги танхим, суудлын хуваарийг баталгаажуулсан хуудсыг өөрийн бүртгэлийн дугаар болон нууц үгийг ашиглан ирэх тавдугаар сарын 15-аас хойш www.eec.mn сайтаас хэвлэн авч болох юм байна.

Харин ЭЕШ-ын дүн, оноо, жагсаалтыг ирэх долдугаар сарын 1-ний өдрийн 9  цагаас өмнө www.eec.mn вебсайтад байршуулан нийтэд зарлах аж.