Ц.Отгонбагана: Хонхны баярын хавтгайран, сунжирдаг байдлыг таслан зогсооно
Манайд хонхны баярыг хавтгайруулан тэмдэглэдэг жишиг тогтоод удаж байгаа. Албаныхан энэ байдлыг таслан зогсоохоор зарим шийдвэрийг гаргасан байна.
Чухам ямар шийдвэрүүд гарсан тухай Нийслэлийн боловсролын газрын дарга Ц.Отгонбаганаас тодруулахад “ЕБС-ын 1,5,9-дүгээр ангиудад хонхны баяр тэмдэглэхийг Нийслэлийн боловсролын газраас албан ёсоор хориглосон. Зөвхөн 12-р ангиудад зөвшөөрч байгаа. Их дээд сургуулиудын хувьд сурсан мэдсэнээ тайлагнах тайлант өдөрлөг хэмжээнд зохион байгуулах юм. Мөн дүүргийн хэмжээнд нэг өдөр тэмдэглэн өнгөрүүлэх чиглэлийг өгсөн. Ингэснээр хонхны баярын хавтгайран сунжирдаг байдал үгүй болох юм” гэлээ.
Нийслэл хотын хэмжээнд 2014-2015 оны хичээлийн жилд ЕБ-ын 213 сургуулийн нийт 26120 сурагч, 94 их дээд сургууль, коллеж, МСҮТ-ийн 22 мянга орчим оюутан төгсөнө гэсэн судалгаа гарчээ.
ЕБС 12 жилийн тогтолцоонд шилжсэнтэй холбоотой энэ жил өмнөх жилүүдээс 3 дахин бага төгсөгчид төгсөж байгаа аж. Тиймээс хонхны баяр энэ жил тун эмх цэгцтэй болно гэдгийг албаныхан хэлж байгаа юм.
А.Чимгээ
Холбоотой мэдээ
Сэтгэгдэл ( 3 )
та их зөв юм хийх гэж байгаа юм байна хонхны баярыг цэцэрлэгийн хүүхдүүд хүртэл хийж эцэг эх бидэнд нилээд дарамт үзүүлдэг нь хэвээр байна нэг хүүхрдээс доод зах нь 45000 төг орж байна. өмнөговь аймагт
Боловсролын салбарт байгаа гажуу болгоныг сайн муу хэлүүлэн засаж яваа танд ажлын улам их амжилт хүсьж ихийг сэдэхийг хүсье
Zugeer ayataihan zohion baiguulaad l jishig togtoochihooch dee. Mungu tugrug urehguigeer sursan medsenee tailagnadag ch yumuu. Sport udurlug ch yumuu baidlaar hiigeed l surgachihval bolno sh dee. Shuud l boliulna geed baidag ni zuv ch yum uu buruu ch yumuu.