“Харвард”-д багшилдаг Монгол эмэгтэй

Даваасамбуугийн Ганмаа хэмээх Монгол эмэгтэй дэлхийн хамгийн шилдэг их сургууль болох АНУ-ын Харвардын их сургуульд багшилдаг  цорын ганц монгол хүн.  Тэрээр нийслэлийн 23-р сургууль, АУИС, Японы “Яманаши” АУИС-д докторын сургалт, АНУ-ын Харвардын АУИС, Харвардын Нийгмийн Эрүүл Мэндийн Сургуулийг тус тус төгсчээ. Одоо тэр гэр бүлийн хамт АНУ-ын боловсролын хот Бостон хотод ажиллаж, амьдарч байна.
Д.Ганмаа “Харвард”-д суралцаж байх хугацаандаа “Д витаминаар баяжуулсан сүү хүүхдийн өсөлт хөгжилтөд хэрхэн нөлөөлж буйг судлах” судалгааны ажил хийжээ. Тэрээр хэвлэлд өгсөн нэгэн ярилцлагадаа  " Харвард бол эрдэм мэдлэг, оюуны чадавхи, нэр хүндийн бренд.  Зөвхөн АНУ төдийгүй бүх улс орнуудыг хамарсан олон судалгааны ажлууд энд хийгддэг.  Ийм төслүүдийг маш сайн боловсруулж, шилдэг эрдэмтнүүдтэй өрсөлдөж , тэднээс давж байж л хэрэгжүүлэх боломжтой болно.  Тухайн хүнд байгаа оюуны чадварыг маш сайн ашигладаг төдийгүй, шавхаж чаддаг. Яг үнэндээ Харвардад багшийн цалин нь тийм ч өндөр биш. Гол нь судалгааны ажил нь  анхаарлын төвд байж,хийх нөхцөл боломжоор сайн хангаж, сайн үнэлдэг" хэмээн ярьжээ.