Домогт чекистийн сүүлчийн зураг
Че Гевара бол домог. Домог болох эхлэлийг нь тавьсан зургийг та бүхэн харж байна. Зурагт Че Геварын амьдралын сүүлийн мөчүүд дүрслэгдсэн бөгөөд зургийг авсны дараа түүнийг хороож биеийг нь формальдегидэд хийн нууцлаг газар оршуулсан гэдэг. Дайснууд нь түүнийг устгачихвал социалист үзэл санаа төгсгөл болно гэж тухайн үед бодож байв. Гэтэл харин ч домог болох эхлэлийг нь тавиад өгчихжээ. Зурагт Боливийн эрх баригчдын “бууны нохой” болох нэгэн офицер Че Геварагийн дээрээс тонгойж, хувьсгалч эр харин маш амгалан царайтай харагдаж байгаа нь Ренессансын “Христийг цовдолсон нь” зурагтай туйлын адилхан болжээ. Чухам үүний дараа “Удирдагч амьд. Че Гевара бидний сэтгэл зүрхэнд үүрд амьд байх болно” гэсэн социалистуудын уриа үг мэндэлсэн юм. Эрх баригчид түүний энэ зургийг олон нийтэд тараасандаа сүүлд нь амаа барьсан болов уу. Энэхүү зургийн ачаар социалистууд итгэл найдвартай болж, Че Гевара домог болж хувирсан юм. Өмнөд Америкт одоо болтол оршсоор байгаа социалист дэглэмийг барьж байгаа хүмүүс нь Че Геварыг шүтээн болгосон хүмүүс байдаг билээ.
С.Төгөлдөр
Холбоотой мэдээ
Сэтгэгдэл ( 4 )
yun chekist ve, chi uuruu chekist, che gavara emch hun bsan shu
чекист биш коммунист
Че-г арай ч чекист гэхгүй байхаа. 1. Чекист гэдэг чинь хуучин ЗХУ-ын аюулаас хамгаалах байгууллагын төлөөлөгчийг нэрлэдэг товчилсон үг 2. Ренесанс гэж зураач байхгүй харин урлаг уран сайхны хөгжлийн үе шат юм. тухайлбал классицизм, соён гэгээрэл, сэрэгн мандал гэх мэт үеүүд бий
чекист ???????????