ЭЕШ-д одоогоор 31 мянга гаруй сурагч бүртгүүлжээ

2017 оны ЭЕШ-ын шалгуулагчдын бүртгэл орон даяар явагдаж байна. Тодруулбал бүртгэл хоёрдугаар сарын 01-ний 09:00 цагаас эхэлсэн. Энэ жил улсын хэмжээнд ерөнхий боловсролын сургуулийн 12 дугаар ангийг төгсөж байгаа 37 мянга гаруй сурагч байгаагаас гадна гадаадад  ЕБС төгссөн болон өмнөх оны төгсөгчидтэй нийлээд 40 мянга орчим элсэгч элсэлтийн ерөнхий шалгалт өгөх аж.  Одоогоор "31 мянга гаруй сурагч бүртгүүлсэн" гэх урьдчилсан тооцоолол гарчээ.

ЭЕШ-ын бүртгэл дөрөвдүгээр сарын 14-ны 18:00 цагт дуусна. Шалгуулагчид шалгалт өгөх ЭЕШ-ын байр, анги танхим, суудлын хуваарийг баталгаажуулсан хуудсыг өөрийн бүртгэлийн дугаар болон нууц үгийг ашиглан 2017 оны 05 сарын 15-аас хойш www.eec.mn сайтаас хэвлэн авах юм.