Бүргэд 70 наслахын тулд үхлээс ч илүү зүйлтэй нүүр тулдаг

Жигүүртэн дундаа урт насалдаг нь бүргэд. Бүргэд хамгийн багадаа 40 жил ихдээ 70 гаруй жил амьдрах чадвартай. Судалаачид бүргэдийн амьдралыг судлахад итгэмээргүй зүйлийг нээсэн байна. Тодруулбал, бүргэд урт наслахын тулд амь дүйсэн шийдвэрийг гаргаж, үхлээс ч илүү зүйл туулдаг нь тогтоогджээ. 40 жил насалсан бүргэдийн хумснууд нь хэт урт ургаж, зөөлөн болж,  олзоо барьж чадахаа больдог гэнэ. Улмаар хошуу нь хэт урт, махир болж юм идэх боломжгүй болох ба далавч, цээжнийх нь өд сөд нь хэт өтгөн ургаж, нисэхэд нь хүндрэл учруулдаг аж.

Энэ үед бүргэдэд нэг бол үхэх, эсвэл 150 хоногийн маш урт, маш хүнд, хэцүү  өөрчлөлтийн үеийг туулж өнгөрүүлэхийн аль нэгийг сонгох хэрэгтэй болдог байна. Хатуу сонголтыг хийсэн бүргэд өндөр газар үүрээ базааж эхэлдэг гэнэ. Улмаар хошуугаа хагарч мултарч унатал нь хаданд цохисоор унагаадаг аж. Дараа нь шинэ хошуу ургахыг хүлээнэ. Хошуугаа шинээр ургаж дуусмагц хумснуудаа хошуугаараа зулгаан мулталж, салгаж хаях аж. Шинээр хумсаа ургасны дараа цээжнийхээ болон далавчныхаа хэтэрхий хүнд өд сөдийг бүгдийг нь зулгааж авдаг байна.

Энэ бүх өвдөлт, зовлон бүтэн таван сар үргэлжилсний дараа шинэ хошуу, шинэ хумс, шинэ өдтэйгээр дахин 30 жил амьдрах боломжийг олох аж. Бүргэд амьдрахын төлөө ийнхүү тэмцэж чаддаг амьтан гэнэ. Мөн салхи шуургатай бороо орох үеэр бусад жигүүртнүүд агуй, мод бутанд нуугддаг бол зөвхөн бүргэд л бороог сөрөн үүлсийг нэвтлэн, тэнгэрийн мандал руу цойлох аж. 

Хүмүүн ч гэсэн бүргэдээс суралцах хэрэгтэй мэт. Өнгөрсний хүнд ачаанаас салах нь өнөөдрийг мэдэрч, өнөөдрөөр амьдрах боломжийг өгч, ирээдүйд өөрийгөө бэлдэхэд тусалдаг.

Б.Янжиндулам

www.zindaa.mn