Вита Сидоркина Италийн тэрбумтантай хуримлав
“Victoria”s Secret”-ын загвар өмсөгч, ирээдүйтэй моделиудын нэг Вита Сидоркина Италийн тэрбумтны эхнэр боллоо. 23 настай орос модель, 43 настай итали тэрбумтан нар өнгөрсөн нэгдүгээр сард сүй тавьсан байжээ. “Morabito Projects” барилгын компанийн эзэн Валерио Морабито сүйт бүсгүйгээ одоо л албан ёсоор эхнэрээ болгон авсан байна.
Тэдний хурим Европын хамгийн үнэтэй, хамгийн гоёмсог отелуудын нэг болох “Belmond Hotel Caruso”-д болжээ. Вита, Валерио нар хуримынхаа өмнө нутгийн сүмд гэрлэлтээ батлуулсан байна. Дараа нь тэд найз нөхөд болон ойр дотныхоо хүмүүстэй даруухан хурим хийжээ. Сүйт бүсгүй даруухан бөгөөд гоёмсог даашинз сонгосон байна. Сидоркина мөрөө хаасан даашинз сонгосон нь моделийн хувьд даруухан сонголт болсон бол сүйт залуу нь хар смокингтой байжээ.
Бизнесмен өмнө нь мөн орос модель Ирина Шейктэй болзож байсан гэх мэдээлэл бий. Тэрбээр Иринатай гэрлэхээр төлөвлөж байсан ч модель бүсгүй Валериог орхин Криштиану Роналду руу явсан аж.
О.Саша
Холбоотой мэдээ
Сэтгэгдэл ( 0 )