“Amazon.com”-д 27200 саналаар тэргүүлсэн Монгол роман

Зохиолч Б.Батрэгзэгдмаагийн “Очир эрхшээгч” роман amazon.com-оос явуулсан онлайн санал асуулгаар 30 хоногийн туршид тэргүүн эгнээнд байж нийт 27.200 хүний дэмжлэгийг авсан анхны Монгол роман болсныг амжилтын мэдээнд онцолж байна.

Анх 2014 онд олны хүртээл болсон цагаасаа эхлэн уншигчдын дунд хамгийн эрэлт хэрэгцээтэй номын нэг болж ямагт “Бестселлер”-т шалгарч ирсэн уг роман англи хэл рүү орчуулагдсан бөгөөд гадаадын уншигчдын сонирхлыг ихэд татаж байгаа аж.

Amazon.com-ын санал асуулгын веб сайтад “Очир эрхшээгч” романы англи хэлрүү хөрвүүлсэн 1 дүгээр бүлгийг нь нийтэлсэн бөгөөд уншигч үүнийг уншаад таалагдвал сайтын санал өгөх цэс рүү орж олон шат дамжлагаар дамжин уг романыг дэмжих саналаа өгч байсан билээ. Гадаад, дотоодын уншигчдын дэмжлэгийг авсан “Очир эрхшээгч” роман тун удахгүй гадаад зах зээлд цахиур хагалах буй за.

2017-01 сар. “Зиндаа” сэтгүүл №2 /502/