Их, дээд сургуулиудыг дэлхийн түвшинд хэрхэн хүргэх талаар хэлэлцлээ

МУИС-ийн Номын сангийн 502 тоотод өнөөдөр /2018.11.05/ “МОНГОЛЫН ИХ, ДЭЭД CУРГУУЛИУДЫН ОЛОН УЛСЖИЛТ: ДЭЛХИЙН ТҮВШИНД ОЧИХ ЗАМ” сэдэвт сургалт, хэлэлцүүлэг боллоо.

Тус хэлэлцүүлэгт QS Азийг хариуцсан ерөнхий захирал Мэнди Мок /Ms. Manday Mok/, QS-Ителлижэнс албаны ахлах мэргэжилтэн Самуэл Вонг /Mr Samuel Wong/, Сингапурын Нанян технологийн их сургуулийн гадаад харилцааны албаны захирал Жэнни Халэн Хэдбэрг /Ms Jenny Hallen Hedberg/ болон МУИС, АШУҮИС-ийн удирдлагууд, МУБИС, ХААИС, СУИС, ШУТИС, Отгонтэнгэр их сургуулийн төлөөлөлүүд оролцсон юм. Хэлэлцүүлэгт "QS" Азийг хариуцсан ерөнхий захирал Мэнди Мок “Түүх өгүүлэх нь: Зогсолтгүйгээр урагшилж брэнд болон  нэр хүндийг бий болгох  нь”,“Telling your Story: Going the Distance with Branding & Reputation”, QS Ителлижэнс албаны ахлах мэргэжилтэн Самуэл Вонг  “QS-ийн эрэмбэ”/ “QS Rankings”,  Сингапурын Нанян технологийн их сургуулийн гадаад харилцааны албаны захирал Жэнни Халэн Хэдбэрг, “Олон улсжилтын жишээ ба түүнд хийсэн судалгаа”/“Internationalisation Case Study” сэдвээр илтгэл тавилаа.

Их, дээд сургуулийн рейтинг тогтоох олон улсын эксперт группийн /IREG/ зөвшөөрөл авсан QS байгууллагын удирдлага, төлөөлөгчид хүрэлцэн ирж, манай улсын их, дээд сургуулиуд, дэлхийн их, дээд сургуулиудын зэрэглэлд ороход ямар шалгууруудыг биелүүлэх ёстой болон цаашид анхаарах зөвлөмжийг өгчээ.

QS нь дэлхийн хамгийн нэр хүндтэй гурван рейтингийн / Academic Ranking of World Universities, Times Higher Education World University Rankings / нэг юм.

Д.Цэцэг

WWW.ZINDAA.MN