Ч.Чамин-Эрдэнийн дурсгалын бичгийг өөрчилж, ар гэрийнхэнд нь гардууллаа

“Боловсрол суваг" телевизээс зохион байгуулсан "Mongolia's next top model" тэмцээний оролцогч Ч.Чамин-Эрдэнэ өнгөрөгч оны аравдугаар сард амь насаа алдсан харамсалтай хэрэг гарсан. Талийгаач тус шоуны шилдэг оролцогчдын нэг байсан ба тэмцээнээ дуусгаж амжилгүй нас барсан юм. Харин шоу зохион байгуулагчдын зүгээс талийгаачийг ялагчаар тодруулж8 дурсгалын бичиг, 20 сая төгрөгийн мөнгөн шагналыг талийгаачийн ар гэрийнхэнд гардуулан өгсөн бөгөөд нас барсан хүнийг ялагчаар шалгаруулж, дурсгалын бичигт амьд хүнд өгч буй мэт үг сонгосон хэмээн олон нийт ихээхэн шүүмжилж байв. Тиймээс талийгаачийн дурсгалын бичгийг өөрчилж8 Ч.Чамин-Эрдэнэ агсны ээж Г.Чимгээд хүлээлгэн өгчээ.

Талийгаач Ч.Чамин-Эрдэнийн амь насаа алдсан хэргийг цагдаагийн байгууллагаас шалгаж дуусаад, хэргийг хаах саналтайгаар прокурорт шилжүүлээд байгаа юм.