Ц.Гарамжав: Зэвсэгт хүчнийг удирдах хүн хамгийн түрүүнд цэргүүдийнхээ амь насыг батлан даах хэрэгтэй

2019 оны 03 сарын 25

УИХ-ын чуулганы нэгдсэн хуралдаанаар Зэвсэгт хүчний Жанжин штабын даргаар хошууч генерал А.Ганбатыг томилох эсэх асуудлыг хэлэлцэж байна. Энэ үеэр УИХ-ын гишүүн Ц.Гарамжав нэр дэвшигчтэй холбогдуулж байр сууриа илэрхийллээ.


 

Тэрбээр “Маш хариуцлагатай албанд томилогдож байна. Олон жил цэргийн албанд ажилласан туршлагатай, мэргэжлийн бэлтгэгдсэн хүн гэж хэлж байна.

Эмэгтэй гишүүд бусдын адил ээж хүн. Сүүлийн үед сэтгэл эмзэглүүлсэн зүйл цэрэг хөвгүүдэд маань тохиолдож байна. Шалтгааныг нь өөрөө амь үрэгдсэн гэдэг. Зураг хөргийг нь харахаар нүд хальтрам байдалтай байдаг.

Зэвсэгт хүчний командлагч болж байгаа хүний хувьд хамгийн түрүүнд цэргүүдийнхээ амь нас, аюулгүй байдлыг батлан даах хэрэгтэй. Тэдэнд хоол хүнс, өмсч зүүхээс нь эхлээд хүмүүжих зэрэгт нь бүх талын хамгааллыг бий болгох шаардлагатай. Ер нь ямар хэмжээнд байдаг юм. Бусад орны туршлагаас харахад хангамж маш сайтай юм билээ. Хэрэглэж байгаа хоол хүнс нь ч өндөр илчлэгтэй. Тусгай батлион, жирийн, далайн зэргээр хангамж нь тусдаа. Төр нь цэргүүдээ аав шиг нь хамгаалдаг. Жижигхэн бэртэл авахад дор нь арга хэмжээ авдаг юм билээ. Гэтэл бид дөнгөж нас биеэнд хүрч байгаа хүүхдүүдэд тийм хангамжийг үзүүлж чадахгүй байна.

Үүнд маш энгийн бөгөөд ээж, аавын сэтгэлээр хандах хэрэгтэй байна. Цэргийн боловсон хүчнийхээ нөхцөл байдлыг дээд зэргээр сахиарай.

Үүргээ гүйцэтгэж байгаа орчин, ажлын байран дээрх дарамтыг таслан зогсоох ёстой шүү. Хүний хүүхдийг хүйтэнд зогсоож, нойр хоолгүй гүйлгэж, тамладаг юм бэ. Үүнийг үндсээр нь таслах ёстой. Эргээд тантай уулзах байх, ажлын тайланг нь сонсоно. Хэн нэгэн амиа алдсан, бусдын дарамтад орсон мэдээллийг дахин сонсмооргүй байна.

С.Сүлд

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Хаха(103.9.90.53) 2019 оны 03 сарын 25

гишүүдийн хэлсэн үгийг танай сайт гаргадаг болоо юу?

saraa eej(103.14.38.145) 2019 оны 03 сарын 25

ovoo doo, bas neg ingej duugarah tsag nol bolson doo, manai emegtei gishuud

Top