Дархан-Улаанбаатар чиглэлийн автозамын ажил энэ сарын 25-нд эхэлнэ

М.Хангал | Zindaa.mn
2019 оны 05 сарын 15

УИХ-ын Эдийн засгийн байнгын хорооны өнөөдрийн /2019.05.15/ хуралдаанаар Засгийн газраас 2019.04.30-ны өдөр өргөн мэдүүлсэн Монгол Улсын эдийн засаг, нийгмийг 2020 онд хөгжүүлэх үндсэн чиглэл батлах тухай УИХ-ын тогтоолын төслийг хэлэлцэж, 63.6 хувийн саналаар дэмжлээ. Мөн эдийн засаг, нийгмийг 2020 онд хөгжүүлэх үндсэн чиглэлийн Ажлын хэсгийг УИХ-ын гишүүн Я.Содбаатар ахлахаар тогтсон юм.

Хэлэлцүүлгийн үеэр “Дархан-Улаанбаатар чиглэлийн болон Налайхын автозам хугацаандаа ашиглалтад орох уу” хэмээн байнгын хорооны дарга Ж.Ганбаатар асуув.

Үүнд ЗТХ-ийн дэд сайд Л.Халтар “Налайхын замын ажил эхэлчихсэн явж байгаа. 2019.05.13-ны өдөр Налайхын 20.9 км замыг бүхэлд нь хаасан. Төлөвлөгөө ёсоор арваннэгдүгээр сарын 20-нд Налайхын замын хөдөлгөөнийг бүрэн нээнэ гэдгийг хариуцлагатай мэдэгдье” гэлээ.

Мөн дэд сайд “Дарханы замын хувьд ажил энэ сарын 25-нд эхэлнэ. Бид тендерийнхээ материалыг Азийн хөгжлийн банк руу явуулчихсан байгаа. Түр зам барихаас замын ажил эхэлнэ гэдгийг хариуцлагатайгаар мэдэгдье” гэж хариулж байлаа.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Иргэн(43.242.243.154) 2019 оны 05 сарын 15

ХООСОН СҮРЖИГНЭЛ... ЯАЖ ДУНДААС ИДЭЖ ЦУСЛАХ ВЭ ГЭДЭГТ Л НОЙР НЬ ХҮРЭХГҮЙ ЗОВЖ БАЙГАА БАЙХ ДАА.

Зочин(202.126.89.226) 2019 оны 05 сарын 15

Баахан хариуцлага амалсан улс,харж л байя,амалсанаа биелүүлж чадахгүй бол зайлаарай

0  |  0
Irgen(111.126.50.226) 2019 оны 05 сарын 20

Энэ хүмүүсийн ажлыг бодоод ер олохгүй юмаа. Түр зам тавина, дараа нь замаа тавина гээд байх юм. Тэр түр замаа үндсэн болно гэж үзээд одоогийн хуучин замаа хаахгүйгээр барьчаад дараа нь шинэ замаа онгойлоод хуучин замаа хуулаад шинэчилчиж болдоггүй юм баыхдаа. Түр зам тавьна гээд л мөнгө цохихгээд үхчих гээд баых юм.

0  |  0
Top