“Наша песня” орос дууны уралдаан цахимаар явагдаж байна

Оросын шинжлэх ухаан, соёлын төв ОХУ-ын ЭСЯ-ны дэмжлэгтэйгээр UBS телевизтэй хамтран “Наша песня” орос дууны уралдааныг цахим хэлбэрээр зохион байгуулж байна. 1941-1945 оны Аугаа их Эх орны дайны ялалтын 75 жилийн ойд зориулсан уг арга хэмжээнд гоцлол дуучид болон найрал дууны хамтлагуудыг өөрийн дуулсан Эх орны дайны сэдэвт дуугаар оролцохыг урьж байна.

Нэгдүгээр үе гуравдугаар сарын 20-ноос эхэлж, дөрөвдүгээр сарын 5-ны өдөр өндөрлөх юм.

Гоцлол дуучид, чөлөөт уран бүтээлчид болон найрал дууны хамтлагууд өөрсдийн бичлэгээ уралдааны албан ёсны nashapesnya@rcnkmn.ru хаяг руу илгээгээрэй.

Оролцогч дуучид, хамтлагуудын бичлэгийг

#Российский центр науки и культуры в Улан-Баторе / Улаанбаатар дахь #ОШУСТ пэйжид байршуулна.

Уралдааны нэгдүгээр үеийн сонгон шалгаруулалт нийтэд нээлттэй шүүлтээр явагдаж, олны таашаал хүртсэн уран бүтээлийг эрэмбээр сонгох юм байна. Мөн хаалтын гала концерт, ялагчийг тодруулах торгон мөчийг телевизээр шууд дамжуулах аж.