Цагдаагийн хэлтсүүдэд нэмэлтээр МӨРДӨГЧИД АЖИЛЛАНА

Б.Гантуяа | Zindaa.mn
2020 оны 04 сарын 27

Сонгинохайрхан дүүргийн прокурорын газрын хяналтанд энэ оны дөрөвдүгээр сарын байдлаар нийт 5000 орчим эрүүгийн хэрэг шалгагдаж байгаа бөгөөд тус газраас “Прокурор-90” нэгдсэн аяны хүрээнд дээрх хэргүүдийг шуурхай шалгаж, шийдвэрлэх зорилгоор тус дүүрэг дэх Цагдаагийн газрын 1, 2, 3 дугаар хэлтсүүдтэй хамтарсан төлөвлөгөө гарган ажиллаж байна.

Мөн Нийслэлийн Цагдаагийн Удирдах газарт санал хүргүүлж, аян үргэлжлэх хугацаанд тус дүүрэг дэх Цагдаагийн хэлтсүүдэд нэмэлтээр мөрдөгчид ажиллуулахаар болжээ.

“Прокурор-90” нэгдсэн аяныг прокурорын байгууллагын түүхт 90 жилийн ойг угтан прокурорын хяналтын чанар, үр дүнг дээшлүүлэхээр энэ оны дөрөвдүгээр сарын 1-ний өдрөөс зургаадугаар сарын 1-ний өдөр хүртэл хоёр сарын хугацаанд  зохион байгуулж байгаа юм хэмээн Сонгинохайрхан дүүргийн прокурорын газраас мэдээллээ. 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Su ah (202.179.24.32)  2020 оны 04 сарын 28

Асар их гэмт хэрэг гардаг замбараагүй нийгмийг МАНАН бүтээсэн байна. Одоо тэднийг тонилгож нийгмээ цэвэрлэх цаг болсон.

0  |  0
Top