Монгол эмэгтэйчүүдийг хүчирхийлсэн МАЛАЙЗЫН ЦАГДААГ маргааш шүүнэ

Малайз улсад амьдардаг хоёр монгол эмэгтэйг хүчирхийлсэн хэрэг энэ сарын 10-нд гарч, Малайзын цагдаа нар хүчирхийлэл үйлдсэн цагдааг баривчилсан талаар өмнө мэдээлж байсан.

Тэгвэл 20 болон 33 настай хохирогчдыг хамгаалалтад авч, хэргийг мөрдөн шалгаж эхэлсэн тухай Дүүргийн цагдаагийн газрын дарга Ник Езани Мохд Файсал мэдэгдээд, хууль сахиулагч хүн ийм хэрэг үйлдсэнд харамсаж буйгаа илэрхийлжээ.

Түүний хэлснээр, хохирогчид англи, малай хэлээр ярьдаггүй учир тэдний найз болох Монголын харьяат иргэн тусалсан байна.

Монголын хоёр эмэгтэйг  замын шалган нэвтрүүлэх цэг дээр хүчин төгөлдөр баримт бичиг байгаагүй гэсэн шалтгаанаар шалган нэвтрүүлэх постын байцаагч саатуулсан бөгөөд тэднийг зочид буудалд аваачиж, хүчирхийлсэн гэх мэдээллийг гадны хэвлэлүүд мэдээлжээ.

Эх сурвалжийн мэдээлснээр хэргийг шалгаж дуусаад, хүчирхийлэл үйлдсэн гэх цагдааг шүүхэд шилжүүлсэн байна.

Шүүх түүнийг  албан тушаалаа урвуулан ашигласан,  хүн худалдах гэмт хэрэг үйлдсэн гэдэг үндэслэлээр шүүхээр болжээ.

Шүүх хурал маргааш  /2020.04.29/ болно.

Эх сурвалж: Malaymail.com