БАЯН-ӨЛГИЙ: Айлын хашааны газраас хүний араг яс олджээ

Б.Гантуяа | Zindaa.mn
2020 оны 05 сарын 27



Өнгөрсөн долоо хоногт Баян-Өлгий аймагт айлын хашааны газар дороос хүний араг яс олдсон байна.

Өлгий сумын иргэн Б шинээр хашаа татахаар  газар ухаж байгаад хүний гавлын яс олжээ. Энэ талаар тэрбээр цагдаад шуурхай мэдэгдсэн бөгөөд дуудлагын дагуу цагдаагийн алба хаагчид хэргийн газарт очиж ажилласан байна. 

Хэргийн газраас нас барсан хүний нэг ширхэг гавлын яс болон бусад хэсгийн 20 ширхэг яс олж, шинжилгээнд явуулжээ. Дээрх яс хэнийх болох, ямар учир шалтгаантайг одоогоор тодорхойлоогүй байгаа ба шинжилгээний хариу хүлээж байна.

Хэргийг Баян-Өлгий аймаг дахь цагдаагийн газарт шалгаж эхэлжээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
(66.181.168.131) 2020 оны 05 сарын 27

Golodson ehneriin huur biz

0  |  0
Top