"Үндэсний номын баяр"-ын тов гарлаа

Монгол Улсын Ерөнхийлөгчийн 2012 оны 158 дугаар зарлигаар жил бүрийн есдүгээр сарын гурав дахь долоо хоногийн бямба гарагийг “Номын баярын өдөр” болгон өргөнөөр ёслон тэмдэглэхээр шийдвэрлэсэн. Номын баярын өдрийг тэмдэглэх арга хэмжээний хүрээнд Улаанбаатар хотын дүүргүүд, бүх аймаг, сумдад хүүхэд, залуучууд, ард иргэдийг өргөнөөр оролцуулсан ёслолын ажиллагаа, шилдэг ном шалгаруулах, номын зохиогчийг алдаршуулах, сайн уншигчийг тодруулах ажиллагаа явуулах, номын баярын өдөр бүх нийтээр ном эрдмийг сурталчлах, номын өв санг арвижуулах, хүүхэд залуучуудын сурах эрмэлзэлд дэмжлэг үзүүлэн ажиллах зэргээр өргөн тэмдэглэн өнгөрүүлдэг уламжлалтай.

Номын хорхойтнуудын хүсэн хүлээдэг "Үндэсний номын баяр" энэ жил есдүгээр сарын 18-20-ны өдрүүдэд Сүхбаатарын талбайд болох аж. Энэ үеэр уншигч та зохиолчидтой биечлэн уулзаж, дуртай номоо гарын үсэг зуруулан авах боломжтой юм.