Хоккейн шайбанд цохиулсан тамирчин нас баржээ

ОХУ-ын Санкт-Петербургийн Залуучуудын хоккейн лигийн тамирчин, 19 настай Тимур Файзутдинов хоккейн шайбанд толгой руугаа цохиулж, сэхээн амьдруулах тасагт байсан билээ.

Харамсалтай нь, "Динамо" залуучуудын хоккейн клубийн тоглогч амьсгал хураажээ. Хоккейн шайб түүний тархины чухал судсыг гэмтээсэн байсан гэнэ. 

Клубийн зүгээс Тимурын гэр бүл, ойр дотнынхонд эмгэнэл илэрхийлсэн байна.

"Динамо" клуб “ВКонтакте” дахь хуудсандаа “Тимур энэ клубт, бидний зүрх сэтгэлд үүрд орших болно” хэмээн бичсэн байлаа.