“Мөнх тэнгэрийн бичиг-2020” шилдэг бүтээлийн эздэд шагнал гардууллаа
Монгол Улсын Ерөнхийлөгч Халтмаагийн Баттулга өнөөдөр “Мөнх тэнгэрийн бичиг-2020” монгол уран бичлэгийн үзэсгэлэнгийн шилдэг оролцогчдод өргөмжлөл, мөнгөн шагнал, гарын бэлэг гардууллаа.
Их Эзэн Чингис хааны мэндэлсэн “Монгол бахархлын өдөр”-т зориулан Монгол Улсын Ерөнхийлөгчийн санаачилгаар зохион байгуулдаг “Мөнх тэнгэрийн бичиг” монгол уран бичлэгийн үзэсгэлэнг цар тахлын нөхцөл байдлын улмаас хойшлуулаад байсан билээ.
Тэгвэл тавдугаар сард тохиож буй Үндэсний бичиг үсгийн баярыг тохиолдуулан Монгол Улсын Ерөнхийлөгчийн Тамгын газраас “Мөнх тэнгэрийн бичиг-2020″ үзэсгэлэнг “Жэй Си Дэко Монгол” ХХК-тай хамтран автобусны буудал, гудамжны мэдээллийн байгууламж, дижитал дэлгэцээр дамжуулан тавдугаар сарын 12-ноос 25-ны өдрүүдэд олон нийтэд толилуулж байна.
“Мөнх тэнгэрийн бичиг-2020” үзэсгэлэнгийн шилдэг бүтээлийн эздийн нэрсийн жагсаалтыг эндээс үзнэ үү.
Монгол Улсын Ерөнхийлөгч Халтмаагийн Баттулга шилдэг оролцогчдод өргөмжлөл гардуулсныхаа дараа:
“Үсгийн урлагийн шилдгүүд, үндэсний бичиг үсгийн зүтгэлтнүүд, бичиг соёлдоо шамдан суралцаж, түгээн дэлгэрүүлж байгаа монгол бичигтэн сурагч багачууд Та бүхэнд Үндэсний бичиг үсгийн баярын мэндийг дэвшүүлье.
Монгол бичиг бол монгол хүн болж төрсөн, монголоороо бахархдаг хүн бүрийн оюуны үнэт, бахархалт өв юм. Монгол бичигтээ дурлаж, өв соёлдоо шимтсэн Та бүхэн бол энэ үнэт өвөө хадгалан хамгаалж, үндэсний бахархлаа түгээн дэлгэрүүлж байгаа эрхэм үйлсийн эзэд билээ. Баяр хүргэе!
Миний бие өөрийн биеэр үлгэрлэн хожуу ч гэлээ үндэсний бичгээ сурч, сурсан мэдсэнээ түгээх, өгөхийн тулд хичээл болгон заасныг хүүхдүүд Та нар үзсэн байх гэж найдаж байна. Монгол Улсын Ерөнхийлөгчийн гадаад албан бичиг, гадаад иргэний шагналын батламж, Элчин сайдын итгэмжлэх жуух бичиг, Ерөнхийлөгчийн Тамгын газраас гарч буй урилга, талархал, өргөмжлөл, батламж гээд бүхий л баримт бичгүүд монгол үндэсний бичгээр бэлтгэгдэж, хос бичигтэйгээр батлагддаг юм.
Монгол Улсын Ерөнхийлөгчийн санаачилгаар жил бүр зохион байгуулдаг “Мөнх тэнгэрийн бичиг” уран бичлэгийн үзэсгэлэн бол монгол бичгийн хүрээнийхний хүсэн хүлээдэг томоохон уламжлалт баяр болсон. Өнгөрсөн жил цар тахлын нөхцөл байдлаас шалтгаалан хойшилсон үзэсгэлэн маань өнөө жил Үндэсний бичиг үсгийн баярыг тохиолдуулан Улаанбаатарын гудамжны мэдээллийн байгууламжуудад дэлгэгдсэн байгаа нь нийслэл хотоо өв соёл, үндэсний агуулгаар чимж байна.
Өнөөдөр “Мөнх тэнгэрийн бичиг” үзэсгэлэнгийн шилдгүүдэд уламжлал ёсоор шагналыг нь гардуулах боломж олдож, Та бүхэнтэй уулзсандаа миний бие туйлын баяртай байна. Үзэсгэлэнд оролцсон бүх хүүхдүүд, уран бичээч-монгол бичигтэн багачууд, эрдэмт багш нар, уран бүтээлчдэдээ бүгдэд нь дахин баярлалаа гэж хэлье.
Чихний чимэг болсон аялгуу сайхан монгол хэл, бичиг үсгээ сурч судлах, түгээн дэлгэрүүлэх эрхэм үйлсэд цаг зав, сэтгэл зүрхээ зориулсанд тань гүн талархал илэрхийлж, улам их амжилт ерөөе.
Мөнх тэнгэрийн дор монгол бичиг соёл түгээмэл болтугай” гэлээ.
Мэдээний дүрсийг хүлээн авч үзнэ үү.
Холбоотой мэдээ
Сэтгэгдэл ( 2 )
ene joohon ohiduud chini uuruusuu ahmad humuusiin hajuud yu umstsiim be?,bugs buuruu haruulsan shaldan guya gyalalzsan,huh muumuu tovoitol ni baritsan , udeshlegt yavah gej baigaa nuguu nutsgeldeg huuhnuud shig 10,20 cm urt usgiit umustsunch baihshig,ene yer ni suragchiin foromd jishig standart gej baiodiim uu?????,bolimoor yumaa huuhdee ingej hachin huvtsaslaj surguulid yavuulmaargui,
1 BAS 1 SOLIOT YUUN YAASAN MUNH TENGERIIN BICHIG ENE TER BE,UIGARJIN GEDEG ERTNII UIGARUUD TUREGIIN EZENT GURENII UYED HEREGLEJ BAIGAAD ARAB BICHIG USGEER SOLISON MUHSUN BICHIG USGIIG YUND NI INGEJ UHCHIHGEED BAINAA,HUNNUGIIN UYEIIN JINHENE MONGOL BICHIG USEGUUD BAIGAASHDE,HARINCH BUR ESREGEEREE TUREGIIN TUREMGIILELIIN UYED HUCHEER HUNNU BICHGEE USTGUUSAN SOYOLIG MAGTAAD SURTACHILAAD BAIH YUM.