Их хэмжээний ВАЛЮТ АЛДАГДСАН хэрэгт ХХБ-ны ажилтнуудыг холбогдууллаа
Өнгөрөгч тавдугаар сарын 25-ны өдөр Худалдаа хөгжлийн банк (ХХБ)-ны ШангриЛа дахь салбараас бүлэг этгээд, хуурамч бичиг баримт үйлдэн, их хэмжээний валют буюу хоёр сая ам.доллар залилсан талаар өмнө нь бид мэдээлсэн.
Энэ хэргийг шалгаж, нэр бүхий дөрвөн этгээдийг саатуулаад байгаа ба сэжигтэн этгээдүүд нь байгууллагын тамга болон бусад холбогдох бичиг баримтыг хуурамчаар үйлдэж, хоёр сая ам.долларыг бэлнээр гаргуулсан байдаг. Одоогоор 1.5 сая ам.долларыг цагдаагийнхан олж тогтоогоод байгаа ба үлдсэн мөнгийг хайж байгаа аж.
Дээрх этгээдүүд нь залилсан валютаа “Урт цагаан”-ы валют арилжааны цэгт аваачиж солиулсан ба “Тэди” төвөөс iphone-12 загварын гар утас худалдан авсан байжээ. Мөн бэлэн мөнгөөр автомашин худалдаж авсан нь тогтоогдсон байна.
Хэргийн шалгалтын ажиллагаа үргэлжилж байгаа ба Худалдаа хөгжлийн банкны эдийн засагч болон санхүүгийн албаны хэд хэдэн хүнийг мөн холбогдуулан шалгаж эхэлжээ.
Учир нь хохирсон компанийн санхүүгийн албанаас хөрөнгө оруулалттай холбоотойгоор их хэмжээний бэлэн мөнгө гаргуулах тухай захиалгыг хэрэг гарахаас дөрвөн өдрийн өмнө Худалдаа хөгжлийн банканд хүргүүлсэн гэх нөхцөл байдал үүссэн гэх. Харин их хэмжээний мөнгөний захиалга орж ирсэн тухай мэдээллийг тус банкны ажилтнууд задруулж, сэжигтэн этгээдүүдтэй хамтран ажилласан байж болзошгүй байгаа аж.
Холбоотой мэдээ
Сэтгэгдэл ( 5 )
Bitgii hutsatsgaa ta nar zeel guih bolhooro uheh gj bgam chine bank ordog bj ebankaa ch oligtoi ashiglaj chadahgvi hewtej baij hend ch yuch tohioldoj bolno shu
Odoo boltol ene uildel n baidag wmuu, 2011 onii ued tsalin orood mungu avaagui bhad 20, 30 myangaaraa dansnaas alga bolool baidag baisan. Ene bank hunii mungu buur ideed sursan wm bishuu
2 сая доллар их мөнгө үү тэгээд
Луйврын банк биш луйврын теллер. Банк дампуурвал бид дагаад дампуурна.
Энэ луйварын банкыг хаах хэрэгтэй