Улсын төсвөөс өдөрт  ₮2.5 тэрбумыг гадаад өрийн хүүнд төлж байна

Төсвийн байнгын хорооны дарга Ч.Хүрэлбаатар өнөөдөр чуулганы нэгдсэн хуралдаан дээр Монгол Улсын гадаад өрийн талаар мэдээлэл өглөө.

Тэрбээр "2021 оны сүүлээр Монгол Улсын гадаад өр 33.2 тэрбум ам.доллар гэж гарснаас Засгийн газрын өр 8.4 тэрбум ам, доллар байна. Өрийн үйлчилгээнд 2022 оны төсөв дээр 905 тэрбум төгрөг сууснаас 365 хоногт хуваахаар 2,5 тэрбум төгрөг гэсэн тооцоолол байна. 

Монгол Улсын зээлжих зэрэглэлийг тогтоодог байгууллага ирж үзээд Монголын Улсын зээлжих зэргийг B3 буюу тогтвортой, хэвийн гэж тогтоосон нь Засгийн газрын зүгээс өрийн менежментийг хуулийн дагуу оновчтой хэлбэрээр явуулж байгаа нь харагдаж байна. Үлдэж байгаа өрийг хувийн хэвшил, аж ахуйн нэгжүүд төлж байгаа" гэв.