Боомтуудаар өдөрт 700 гаруй нүүрс тээврийн автомашин нэвтэрч байна

Өнгөрсөн долоо хоногоос боомтуудын үйл ажиллагаа эрчимжиж эхэлснээр хоногт хил нэвтрэх автомашины тоо нэмэгдэж байна гэж УУХҮЯ-наас  мэдээллээ.

Тавдугаар сарын 30-ны өдөр 744 автомашин, 31-нд 762 автомашин Монгол Улсын хилээр нэвтэрчээ. Тус өдрүүдэд Гашуунсухайт боомтоор 450-470 автомашин гарсан бол Ханги боомтоор 148-168 автомашин гарсан байна.

Сануулахад, тавдугаар сарын 20-26-ны өдрүүдэд авто замаар 4,119 чингэлэг, төмөр замаар 349 чингэлэг нүүрс экспортод гаргасан. Ингэснээр оны эхнээс нийт дүнгээр  5,387.3 мянган тонн нүүрс экспортод гарсан гэсэн тоон мэдээллийг  УУХҮЯ-наас  өгч байсан юм.