Энэ 7 хоногт 60 сая ам.доллар банкуудад худалдлаа

Монголбанк энэ долоо хоногийн пүрэв гарагийн гадаад валютын дуудлага худалдаагаар 30 сая ам.долларыг 3120.64  төгрөгийн ханшаар нийлүүлжээ. Своп, форвард арилжаагаар банкууд 10 сая ам.долларын своп хэлцэл байгуулах санал ирүүлснийг Монголбанк  биелүүлээгүй аж.

Энэ долоо хоногийн мягмар гарагийн гадаад валютын дуудлага худалдаагаар Монголбанк цахим талбарт 30 сая ам.долларыг 3120.52 төгрөгийн ханшаар нийлүүлж, банкуудаас ирүүлсэн  10 сая ам.долларын своп хэлцэл байгуулах саналыг мөн биелүүлээгүй юм. Тэгэхээр Монголбанк энэ долоо хоногт банкуудад нийт  60 сая ам.доллар нийлүүллээ.