Гол нэрийн барааны үнийн ӨӨРЧЛӨЛТ

Энэ  сарын 13-ны өдрийн  байдлаар хүнсний гол нэрийн барааны үнэ өмнөх сараас 4.7 хувь, өмнөх долоо хоногоос 1.5 хувиар өссөн гэж ҮСХ-ноос мэдээллээ.

Тодотгоход, 2022 оны тавдугаар сард улсын хэмжээнд хэрэглээний бараа, үйлчилгээний үнэ өмнөх оны мөн үеэс 15.1 хувь, өмнөх оны эцсээс 7.9 хувиар өссөн байна.

Инфляц 15.1 хувь гарсны 56.3 хувь буюу 8.5 нэгж хувь нь импортын барааны үнийн өсөлтөөс шалтгаалжээ.

Импортын барааны үнийн өсөлтийн нөлөөлөл нь өмнөх оны мөн үеэс 20.8 нэгж хувь, өмнөх сараас 0.4 нэгж хувиар нэмэгджээ.