Элчин сайд Э.Сарантогос БНСУ-ын Ерөнхийлөгчид итгэмжлэх жуух бичгээ барив

Автор | Zindaa.mn
2022 оны 07 сарын 30

Монгол Улсаас Бүгд Найрамдах Солонгос Улсад суугаа Онц бөгөөд Бүрэн эрхт Элчин сайд Эрдэнэцогтын Сарантогос энэ сарын 29-ний өдөр Бүгд Найрамдах Солонгос Улсын Ерөнхийлөгч Юн Сог Ёлд Итгэмжлэх жуух бичгээ барив.

Итгэмжлэх жуух бичиг барьсны дараа Ерөнхийлөгч Юн Сог Ёл Элчин сайд Э.Сарантогосыг хүлээн авч уулзан, үүрэгт ажилдаа орсонтой нь холбогдуулан баяр хүргэж, ажлын өндөр амжилт хүсэв.

Элчин сайд Э.Сарантогос Монгол Улсын Ерөнхийлөгч Ухнаагийн Хүрэлсүхийн мэндчилгээг БНСУ-ын Ерөнхийлөгч Юн Сог Ёлд уламжилж, хоёр орны Стратегийн түншлэлийн харилцаа, хамтын ажиллагааг цаашид улам бэхжүүлэхийн төлөө чармайн ажиллахаа илэрхийлэв. Тэрбээр мөн Монгол, Солонгосын ард түмний найрамдал, нөхөрлөл өдрөөс өдөрт батжин бэхжиж байгааг тэмдэглэхийн сацуу БНСУ-д оршин сууж буй монгол иргэдийг үргэлжлүүлэн дэмжиж ажиллахыг Ерөнхийлөгч Юн Сог Ёлоос хүсэв.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Иргэн (139.5.219.215)  2022 оны 07 сарын 31

Бас хэнийх нь суганы үс үү

0  |  0
Top