Австрали улсад суралцах залуусын тоог нэмэгдүүлэхийг хүсэв
Боловсрол, шинжлэх ухааны сайд Л.Энх-Амгалан өнөөдөр /2022.09.08/ Австрали улсаас Монгол Улсад суух онц бөгөөд Бүрэн эрхт Элчин сайд Кэйти Эйнсли Смиттийг хүлээн авч уулзлаа. Уулзалтаар талууд боловсролын салбар дахь хамтын ажиллагааны талаар санал солилцлоо.
Монгол Улс, Австралийн Холбооны улсын Засгийн газар хоорондын “Ажиллах болон амрах визийн тохиролцооны тухай” харилцан ойлголцлын санамж бичиг байгуулсан. Энэхүү ажлын хүрээнд монгол, австралийн 100 хүртэлх залуу нэг жил хүртэлх хугацаанд ажиллах, сурах, аялах боломж нээгдэж байгаа юм.
Австрали улсын Засгийн газрын тэтгэлэгт хөтөлбөр 1993 оноос хэрэгжиж эхэлснээс хойш 650 гаруй монгол оюутан суралцсан байна. Энэ жил нийт 34 монгол оюутан тус улсад суралцахаар очжээ. Цаашид энэ тоог нэмэгдүүлж, тэтгэлэгт хөтөлбөрт монгол оюутнуудыг хамруулах хүсэлтээ байгаагаа БШУ-ы сайд уламжиллаа.
Түүнчлэн “Ерөнхийлөгчийн илгээлт 2100” хөтөлбөрт тэнцсэн төгсөгчдийг тус улсын их сургуулиудад тэтгэлгээр суралцах боломж олгон хамтарч ажиллахыг хүслээ. Монгол Улсын Засгийн газар англи хэлийг хоёрдогч хэл болгохоор зорьж буйтай холбогдуулан англи хэлний сайн дурын багш нарыг манай улсад ажиллуулах сонирхолтой байгаагаа илэрхийлэв.
Холбоотой мэдээ
Сэтгэгдэл ( 2 )
Миний л хувьд ардчиллын 30 жилийн хугацаанд хамгийн шилдэг боловсролын сайд гэж боддог.
энэ энхамгаланг хятад, мцс-н тавиул зүйл бгрээр муулаад байсан чинь 1-рт төлөвлөж чаддаг 2-рт хэрэгжүүлж чаддаг 3-рт зоригтой ,шийдэмгий ЗГ-н хурал дээр үгээ хэлж чаддаг, 4-рт оновчтой санаачлага гаргадаг дажгүй нөхөр байжшүүдээ.Одоо Эрдэм шинжилгээний хүрээлэнгүүдийг цэгцлэх дандаа ”арын” хаалганы улиг болсон захирал,дарга нарыг солих зайлшгүй шшардлагтайг хэрэгжүүлэх үлдлээ МАА-н ЭШ-ний хүрээлэн гэхэд сүүлийн 10-д жил Зика вирус Энхболд УИХ-н Тувааны үхэр,ямааны тэжээл бэлдэхээс өөр юм хийсэнгүй.Батсүх захирал нь ”Төслийн”мөнгө идчихээд Энхболдын тусламжаар АТГ-с ял авалгүй үлдсэн гэх мэт