Адам Левин эхнэрээ араар тавьсан гэх баримтууд ДЭЛГЭГДЖЭЭ

"Maroon 5" хамтлагийн дуучин Адам Левин супермодель Бехати Принсло нар тун удахгүй гурав дахь хүүхдээ өлгийдөн авах гэж буй мэдээлэл цацагдаад удаагүй байгаа билээ. 

Гэсэн ч Адам Левиний бүсгүйчүүд рүү "сээтэгнэсэн" зурвас дэлгэгдэж эхэлсэн нь олон нийтийн анхаарлыг татаад байна. 

Элисон Розеф хэмээх эмэгтэй түүнээс ирсэн зурвасыг анх Тик ток платформ дээр дэлгэжээ. Бусдад үзүүлэхэд тохиромжгүй зурвасууд ч хэд хэд байгааг дурдсан тэрээр "Манай найзууд энэ тухай мэдэж байгаа. Тэд бүр шоконд орсон. Өөр ийм зүйл тохиолдсон охид, бүсгүйчүүд байвал түүнийг ил болгох хэрэгтэй гэж бодож байна. Би түүний эхнэрийг маш их өрөвдөж байна. Хэн ч ийм зүйлийг туулах ёсгүй" гэжээ. 

Үүний дараа хошин шогийн жүжигчин Мэрика түүний инстаграм дахь зурвасыг дэлгэжээ. Адам түүн рүү "Би чамтай ярилцаж байгаадаа баяртай байна" хэмээх утга бүхий зурвас илгээжээ. 

Мэрика хариуд нь "Чи чинь гэрлэчихсэн биш бил үү?" гэхэд Адам "Тийм ээ. Гэхдээ энэ жаахан төвөгтэй юм. Би удахгүй зугтааж магадгүй" гэжээ. 

Үүнээс өмнө загвар өмсөгч Самнер Стротой гэр бүлээс гадуурх харилцаа үүсгэсэн гэх дуулиан дэгдсэн бөгөөд Адам Левин түүн рүү зөвхөн зурвас бичсэн гэх тайлбар өгчээ. Гэсэн ч Самнер Стро түүнтэй гэр бүлээс гадуурх харилцаа үүсгэсэн гэдгээ хүлээн зөвшөөрчээ.

Одоогоор Адам Левиний гэр бүлийн амьдрал хурцадмал байдалд байгаа ч гэр бүлийнхнийхээ хамтаар бүх зүйлийг даван туулах болно хэмээн инстаграм хуудсандаа илэрхийлээд байна.