Монгол бүжигчдийг Чеченьд олон улсын наадамд урьжээ

Автор | Zindaa.mn
2022 оны 09 сарын 22

Чеченийн нийслэл Грозный хотод аравдугаар сарын 15-18-ны өдрүүдэд зохион байгуулагдах Олон улсын гоцлол бүжигчдийн 13 дахь наадамд Монгол бүжигчдийг оролцохыг урьжээ.

ОХУ-ын Соёлын яам, Чеченийн Засгийн газрын дэмжлэгтэйгээр зохион байгуулж байгаа энэхүү тэмцээнд  

 

  • Гоцлол бүжиг;
  • Хосын бүжгийн төрлөөр 16-35 насны мэргэжлийн хамтлаг, бүжгийн чуулгын уран бүтээлчид, соёл урлагийн чиглэлээр мэргэшсэн дунд, дээд боловсролын байгууллагын оюутнууд оролцох боломжтой аж.

 

Наадамд өрсөлдөх бүжиг дэглэлт нь ЗХУ-ын Ардын жүжигчин Махмуд Эсамбаевын урын сангийн уран сайхны болон гоо зүйн шалгуурыг хангасан байх ёстой аж.

Үргэлжлэх хугацаа нь нэг бүжгийн 5 минут юм. Шагналын сан нь Гран-При 100 мянган рубль, Тэргүүн байрын шагнал 70 мянган рубль, Дэд байрын шагнал нь 50 мянган рубль, Гутгаар байрын шагнал нь 30 мянган рубль ажээ.

Мөн Шүүгчдийн нэрэмжит шагнал, Үзэгчдийн нэрэмжит шагнал зэрэг хэд хэдэн шагналтай гэнэ. Тэмцээнд тэнцсэн тохиолдолд тэмцээнийг зохион байгуулах хорооноос оролцогчдын зочид буудал, өдрийн гурван удаа хоол, эмнэлгийн үйлчилгээ, аялал жуулчлалын үйлчилгээ, Грозный орчимд тээвэрлэх тээврийн зардлыг даах аж.

 

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top