10 мянгаас дээш хүн амтай сум, суурин газрын цахилгааны шөнийн тарифыг хөнгөлнө

Автор | Zindaa.mn
2022 оны 11 сарын 30

Ирэх оны төсөвт улсын хэмжээнд гэр хорооллын айл өрхөд цахилгаан эрчим хүчний тарифын хөнгөлөлтийн зардалд шаардагдах 33 тэрбум төгрөгийг Эрчим хүчний сайдын урсгал зардалд суулгаж өгсөн.

Үүнтэй холбоотойгоор 10 мянгаас дээш хүн амтай сум, суурин газрын гэр хорооллын өрхийн цахилгааны шөнийн тарифыг энэ арваннэгдүгээр сарын 1-нээс ирэх оны дөрөвдүгээр сарын 1-ны хооронд хөнгөлөхөөр болжээ. Тус хөнгөлөлтөд нийслэлд 125 мянган айл,  сум сууринд 48 мянган айл өрх хамрагдах юм.

Энэ талаар УИХ-ын гишүүн С.Бямбацогт “Агаарын бохирдлыг бууруулах, яндангийн тоог цөөлөх зорилготой энэ хөнгөлөлт ачаалал багатай шөнийн цагаар ямар ч үнэгүйгээр хойд хөршид нийлүүлдэг илүүдэл эрчим хүчээ иргэд айл өрхүүддээ өгөөжтэй хүртээх гэсэн төрийн бодлого юм. Тиймээс цахилгааны шөнийн тарифын хөнгөлөлтөд хамрагдахын тулд айл өрхүүд цагийн ялгууртай тоолууртай болох нь чухал” гэжээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (203.169.49.7)  2022 оны 12 сарын 01

Худлаа мэдээлэл тавихаа болиоч ээ. Амьтан төөрөгдүүлээд 11-р сарын цахилгааны төлбөр ямар ч хөнгөлөлт байхгүй. 12-р сарын 1-ээс хөнгөлөх эсэх нь тодорхойгүй байна. 11-11 утаснаас асуулаа

0  |  0
Top