Нүүрсний биржийн арилжааг хоёрдугаар сарын 15-наас эхлүүлнэ

2023 оны 01 сарын 16

Уул уурхай, хүнд үйлдвэрийн яамнаас өнгөрөгч онд нүүрсийг цахимаар арилжаалах журам болон уул уурхайн бүтээгдэхүүний биржийн тухай хуулийг батлуулсан билээ. Энэ оны эхнээс нүүрсийг биржээр арилжихаар төлөвлөж байсны дагуу /2023.01.12/ туршилтын арилжааг амжилттай явууллаа.

Туршилтын арилжаагаар Монголын хөрөнгийн биржээр дамжуулан 12,800 тн баяжуулсан коксжих нүүрсийг Гашуун сухайт терминал дээрээс нийлүүлэх нөхцөлөөр тонн бүрийг 1,290 юань/тн буюу 187 $/тн үнээр борлуулсан байна.

1 тонн нүүрсний үнэ 12 дугаар сард 160 ам.доллар байсныг биржийн туршилтын арилжаагаар 27 ам.доллараар өсгөж арилжаалав.

Ингэснээр АМНАТ, төсөвт төвлөрөх орлого нэмэгдэх зэрэг эерэг үр дүн гарах юм. Туршилт амжилттай болсон тул биржийн арилжааг 2023 оны хоёрдугаар сарын 15-ны өдрөөс албан ёсоор эхлүүлэхээр боллоо.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зоригт  (66.181.183.201)  2023 оны 01 сарын 16

Нүүрс баяжуулах үйлдвэр чинь ашиглалтанд орчихсон уу. Бохир нүүрс ингэж зарагдах нь юу л бол...хил нөхцлөөр жишиг үнээр худалдвал зүгээр дээ. Хятадууд үнэ тогтоогч гэдгийг яагаад ойлгодоггүй МАНгарууд вэ

0  |  0
Top