АТГ нүүрсний хэрэгт холбогдсон УИХ-ын 6 гишүүний нэрcийг зарлалаа

АТГ-аас өнөөдөр /2023.02.28/ цаг үеийн асуудлаар мэдээлэл хийлээ. 

Энэ үеэр тус газрын Хэвлэл мэдээлэл, олон нийттэй харилцах ажилтан, комиссар Н.Тэмүүлэн "Нүүрсний хэргийг гурван байгууллагын хамтарсан Ажлын хэсэг гарч ажиллаж байгаа. Өнөөдрийн байдлаар хэрэг бүртгэлийн 24, мөрдөн байцаалтын 16 хэрэг шалгагдаж байна. Өөрөөр хэлбэл, нийт 40 хэрэгт мөрдөн шалгах ажиллагаа явуулж байна. Үүнээс гурван хэргийнх нь мөрдөн шалгах ажиллагаа дууссан. Хэргийг шүүхэд шилжүүлэх саналтайгаар прокурорын байгууллагад хүргүүлээд байна" гэлээ. 

Түүнчлэн Мөрдөн шалгах ажиллагааг тасралтгүй явуулж байна. Нийт 78 иргэн, албан тушаалтанд хэрэг үүсгэж, яллагдагчаар татсан. Үүнд, нийтийн албан тушаалтан 42 байна гэх мэдээллийг тэрбээр мөн өглөө. 

Тодруулбал, 
 

• Улс төрд нөлөө бүхий этгээд болох УИХ-ын гишүүн А.Адъяасүрэн авлига өгөх гэмт хэрэгт
   
• Хөдөлмөр, нийгмийн хамгааллын сайд Т.Аюурсайхан зохион байгуулалттай гэмт бүлэг байгуулах, үндэслэлгүйгээр хөрөнгөжсөн,
   
• УИХ-ын гишүүн Ш.Раднаасэд албан тушаалын байдлаа урвуулан ашиглаж, бусдад давуу байдал олгосон,
   
• УИХ-ын гишүүн Ж.Мөнхбат албан тушаалаа урвуулан ашиглаж, хохирол учруулсан, үндэслэлгүйгээр хөрөнгөжсөн,
   
• УИХ-ын гишүүн Н.Наранбаатар албан тушаалын байдлаа ашиглаж, бусдад давуу байдал бий болгосон,
   
• УИХ-ын гишүүн Б.Энх-Амгалан албан тушаалаа урвуулан ашигласан зэрэг үндэслэлээр яллагдагчаар татсан байна. 
   

ШУУД ДАМЖУУЛАЛТ