Энэ 7 хоногт 128.3 сая ам.доллар нийлүүлжээ

Монголбанк энэ долоо хоногт гадаад валютын дуудлага худалдаагаар нийтдээ 128.3 сая ам.доллар нийлүүллээ. Тодруулбал, мягмар гарагт 3,526.42 төгрөгийн ханшаар 60 сая ам.доллар нийлүүлсэн бол өчигдөр буюу пүрэв гарагт 3,527.38 төгрөгийн ханшаар  68.3 сая ам.доллар нийлүүллээ.

Сануулахад, гадаад валютын албан нөөц 2023 оны хоёрдугаар сард 3 тэрбум 394 сая 730 мянган ам.доллар болж, өмнөх сараас 4.63 хувиар буурсан байна. Харин оны эхнээс 0.14 хувь, жилийн өмнөхөөс 7.87 хувиар буурсан дүн юм.