Гадаад өр 330.7 сая ам.доллароор буурчээ

Улсын нийт гадаад өр 2023 оны эхний улиралд өмнөх оны мөн үеэс 330.7 сая ам.доллароор буурчээ. Тодруулбал, нийт гадаад өр 2023 оны эхний улиралд 33.6 тэрбум ам.доллар болж, өмнөх оны мөн үеэс 330.7 (1.0%) сая ам.доллар, өмнөх улирлаас 23.1 (0.1%) сая ам.доллароор тус тус буурсан байна. Нийт гадаад өрийн:

• 13.5 (40.1%) тэрбум ам.доллар нь шууд хөрөнгө оруулалт, компани хоорондын зээллэг
• 8. 2 (24. 6%) тэрбум ам.доллар нь бусад салбарынх,
• 8.2 (24.4%) тэрбум ам.доллар нь Засгийн газрынх
• 2.1 (6.3%) тэрбум ам.доллар нь Төв банкных
• 1.5 (4.6%) тэрбум ам.доллар нь Төв банкнаас бусад хадгаламжийн байгууллагынх байна.

Улсын нийт гадаад өр 2023 оны эхний улиралд өмнөх оны мөн үеэс буурахад бусад салбар 675.2 (7.6%) сая ам.доллар, Төвбанк 491.0 (18.8%) сая ам.доллар, Засгийн газрын гадаад өр 172.7 (2.1%) сая ам.доллароор буурсан нь нөлөөлжээ.

Харин Шууд хөрөнгө оруулалт, компани хоорондын зээллэг 886.6 (7.1%) сая ам.доллар, Төв банкнаас бусад хадгаламжийн байгууллагынх 121.6 (8.5%) сая ам.доллароор өсжээ.