МҮХАҮТ-ын экспертиз  иргэн, ААН-д учирсан хохирлын үнэлгээг хийж  байна

НЗДТГ-ын даргаар ахлуулсан Ажлын хэсэг байгуулагдаж, үерийн улмаас учирсан хор уршигт дүн шинжилгээ хийж, хохирлыг тогтоох, үнэлгээ хийх ажлыг нэгдсэн удирдлага, зохион байгуулалтаар ханган ажиллаж буй.

Үерийн улмаас учирсан хохирлын үнэлгээг эрх бүхий байгууллагаар хийлгэж, үнэлгээ хийсний дараа дүүрэг рүү шилжүүлэн, дүүрэг тэдгээрийг нэгтгэн нийслэл рүү шилжүүлсний дараа Улсын онцгой комисс хүлээн авч, дараагийн шатны арга хэмжээг авах аж. 

Энэхүү хохирлын үнэлгээ тогтоох ажлыг долдугаар сарын 24-ний дотор хийх шаардлагатай бөгөөд МҮХАҮТ-ын Хөндлөнгийн шинжээчийн үйлчилгээ буюу Экспертиз нь хохирлыг тогтоох ажлыг шуурхай зохион байгуулж байна. 

Даатгалд хамрагдсан иргэн болон ААН -ийн хувьд Хохирлын бодит дүгнэлтийг үндэслэн даатгалдаа хандах боломжтой аж.