"Эрдэнэс Тавантолгой" ХК "Чалко"-гоос авсан урьдчилгаа төлбөрөө барагдуулжээ

“Эрдэнэс Тавантолгой” ХК 2021 оны дөрөвдүгээр сараас 2022 оны тавдугаар сарын хооронд БНХАУ-ын "Чалко" компаниас нүүрсээр төлөх нөхцөлтэйгөөр 305.8 сая ам.долларын урьдчилгаа төлбөр авсан байдаг. Харин компанид онцгой дэглэм тогтоох үед дээрх урьдчилгаа төлбөрийн үлдэгдэл 275.1 сая ам.доллар байсан.

Тэгвэл онцгой дэглэм тогтоож, засаглалыг сайжруулан, олборлолт, борлуулалтын хэмжээг нэмэгдүүлснээр БНХАУ-ын "Чалко "компаниас авсан 305.8 сая ам.долларын урьдчилгаа төлбөрийг хүүгийн хамт өчигдөр /2023.09.12/ бүрэн төлж барагдууллаа.