Монгол Улсад Статистикийн мэдээллийн нэгдсэн сан үүсгэх төслийн талаар ярилцжээ

БНСУ-ын Статистикийн газар болон Эдийн засгийн хамтын ажиллагаа, хөгжлийн байгууллага хамтран “Ази, Зүүн Өмнөд Ази, БНСУ-ын хөгжлийг ДНБ-ээс өөр үзүүлэлтээр хэмжих нь” олон улсын бага хурлыг БНСУ-ын Сөүл хотод энэ сарын 18-22-нд зохион байгууллаа. 

Бага хурлын үеэр Үндэсний Статистикийн Хорооны дарга Б.Батдаваа болон БНСУ-ын Статистикийн газрын дарга Ли Хёонг Ил нар уулзаж, Монгол Улсад Статистикийн мэдээллийн нэгдсэн сан үүсгэх төслийн талаар онцлон ярилцжээ. 

Эргэн сануулахад, 2023 оны долдугаар сард “Төрийн нэгдсэн мэдээллийн сан” зөвлөлдөх уулзалтыг Улаанбаатар хотод зохион байгуулж, талууд төслийг 2024 оноос хэрэгжүүлэхээр тохиролцсон билээ.