УИХ-ын дэд дарга С.Одонтуяа Оюуны өмчийг хүндэтгэхийг уриалжээ
Энэ сарын эхээр зохиогчийн эрхтэй холбоотой асуудал сөхөгдөж, ая зохиогч Өөжгий хэд хэдэн дуучдад өгсөн уран бүтээлийнхээ дуулах эрхийг цуцалж байгаа талаар мэдэгдсэн.
Монгол Улс бол Зохиогчийн эрхийг хуулиар хамгаалдаг орон. Бүр тодруулан хэлбэл, Монгол Улсын хувьд 1993 оны 6 дугаар сарын 22-ны өдөр өөрсдийн Зохиогчийн эрхийн тухай хуулийг хамгийн анх баталж байсан. Тэгвэл хууль тогтоох байгууллагаас анх удаа УИХ-ын дэд дарга С.Одонтуяа зохиогчийн эрхийг хүндэтгэж, хамгаалах санал санаачлах гаргаж, өөрөө манлайлал үзүүлсэн байна.
Гишүүний хувьд уртын дуучин Д.Жавхаасайхан, Үүрийнтуяа нараас өөрсдийн нь шинэчлэн найруулж дуулсан "Цагаан сар" дууг мэндчилгээндээ ашиглаж байх зөвшөөрлийг авсан байна. Энэ талаар тэрбээр нийгмийн сүлжээндээ "Үндэсний өв соёлоо түгээн дэлгэрүүлж буй авьяаслаг гэр бүл уран бүтээлчид Д.Жавхаасайхан, Д.Үүрийнтуяа нараас Монгол ардын дуу "ЦАГААН САР" дууг шинэчлэн найруулан дуулснаар нь мэндчилгээндээ оруулахдаа зөвшөөрөл авлаа. Оюуны өмчийг хүндэтгэж дээдэлцгээе" гэсэн байна.
Сэтгэгдэл ( 1 )
ХУУЛЬ НЬ АЖИЛЛАД ИРВЭЛ УРИА Ч ХЭРЭГГҮЙ БИЗ ДЭЭ. ХУУЛЬ ХЭРЭГЖҮҮЛЭХ НЬ ИХ ХУРЛЫН АЖИЛ БИШ ҮҮ. ХУУЛЬ ЗОХИОЧИХООД ХУУЛИА ХЭРЭГЖҮҮЛЭХИЙГ УРИАЛААД БАЙГАА НЬ ТӨР ЧИНЬ ХӨШҮҮН БАЙГААГИЙН ТОД ИЛРЭЛ МӨН ҮҮ. НҮҮРС ХУЛГАЙЛДАГ ШИГЭЭ ХҮНИЙ ОУЮНЫ БҮТЭЭЛИЙЫГ ӨӨРИЙН ЮМ ШИГ ХЭРЭГЛЭЭД БАЯЖААД НЭР ХҮНДЭЭ ЧИМЭЭД БАЙЖ БАЙДАГ НЬ НҮҮДЭЛЧДИЙН БҮДҮҮЛЭГ ЗАН АРАНШИН. ДЭЭРЭМ ШҮҮ ДЭЭ6