Зэсийн эрэлт ТОГТВОРТОЙ байх төлөвтэй
Энэ сарын эхний долоо хоногт тонн нь 9000 ам.доллар давсан зэсийн үнэ сүүлийн өдрийн байдлаар Лондонгийн металлын бирж дээр 9375 ам.доллар байна. 2023 оны сүүлийн сараас энэ оны гуравдугаар сарын хооронд тонн зэсийн үнэ 8500-8600 ам.долларт хэлбэлзэж байв.
Тэгвэл дэлхийн түүхий эдийн зах зээлийн төлөвийг харахад зэсийн эрэлт тогтвортой байхаар байгааг шинжээчид онцолж байна. Тодруулбал, БНХАУ-ын боловсруулах салбарын PMI индекс нэмэгдэж, экспорт сэргэсэн, тус улсын хэрэглээний үнэ эргэн өсөж эхэлсэн зэрэг нь зэсийн эрэлт тогтвортой байх дохиог өгч буй юм.
Мөн нөгөө талаас зэсийн баяжмалын хүрэлцээ бага байснаас шалтгаалж БНХАУ-ын зэс хайлуулагчдын дунд үнийн өрсөлдөөн бий болж, улмаар зэс хайлуулагчдын орлого сүүлийн 10 жилийн доод түвшинд хүрч буурсан. Үүнээс шалтгаалж энэ оны нийт хайлуулах зэсийн хэмжээгээ 10 хүртэл хувиар танах талаар тус улсын 10 гаруй томоохон зэс хайлуулагчид хэлэлцсэн талаар мэдээлэл бий. Энэ талаарх албан ёсны мэдээ гараагүй байгаа ч цаашид хайлуулсан зэсийн нийлүүлэлт багасах хүлээлтийг зах зээлд бий болгосноор зэсийн үнэ өсөөд байна.
Холбоотой мэдээ
Сэтгэгдэл ( 0 )