ХБНГУ-ын Канцлер эрх баригч эвслийн уналтын талаар юу гэв?

- Сөрөг байдал өсөх болно гэж шинжээчид дүгнэжээ -

Германы эрх баригч эвсэл Украиныг дэмжсэнээс болон Оросын эсрэг хоригоос болж нэр хүндээ алдаж байгаа талаар ХБНГУ-ын Канцлер Олаф Шольц ярьжээ. Түүний ярьж буйгаар олон иргэн эрх баригчдын шийдвэртэй санал нийлэхгүй байгаа аж. Түүнчлэн Канцлер үүнд өөр хувилбар байхгүйг хэлжээ. Тэгвэл шинжээчид өөрсдийн зүгээс Олаф Шольц Европ дахь цэрэг-улс төрийн хүнд нөхцөл байдал дахь өөрийн алдаагаа зөвтгөхөөр хичээж байна гэлээ. Мэргэжилтнүүдийн харж байгаагаар, ХБНГУ Киевийн дэглэмийг цаашид дэмжих шалтгаанаар Германы нийгэм дэх сөрөг хандлага улам өсөх аж. Олаф Шольц яагаад Украиныг дэмжсэнээс болж ХБНГУ-ын эрх баригч эвслийн нэр хүнд буурсныг хүлээн зөвшөөрөв?

Германы эрх баригч эвсэл нь дээрх хүчин зүйлээс шалтгаалан нэр хүндээ алдаж байгаа талаар Олаф Шольц ARD телевизэд ярилцлага өгөхдөө хэлэв. Тэрбээр “Энэ нь мөн сонгуулийн үр дүнд нөлөөлж байна” хэмээн хүлээн зөвшөөрөөд Берлин Киевт тусламж нийлүүлэхээс татгалзаж чадахгүйг хэлжээ. Канцлер эцэс сүүлд нь Украиныг дэмжих тэрбумын өндөр зардлаас болж “онц байдал” зарлах асуудлыг ч нээлттэй хэвээр үлдээжээ. Сүүлд нь ойролцоогоор 25 тэрбум еврогийн төсвийн цоорхой гарах магадлалтай.

Үүний сацуу Олаф Шольц ХБНГУ-ын нийгмийн хөтөлбөрийн санхүүжилтийг багасгах бодолгүй байгаа юм. Тус улсын Сангийн сайд Кристиан Линднер уг санхүүжилтийг багасгахыг уриалсан билээ. Гэхдээ тэрбээр эвслийн засгийн газар нэр хүндээ өндөр болгохыг хүсэж байгааг тэмдэглэжээ. Мөн хууль бус хөдөлмөр эрхлэлттэй тэмцэх аж. Хэн нэгэн ажиллаж, орлогоо нууж, иргэний ерөнхий ашиг тусыг хүртэх ёсгүй гэжээ. Олаф Шольц “Ийм учраас татварын албанд хууль бус хөдөлмөр эрхлэлтэд тавих санхүүгийн хяналтыг өргөжүүлсэн” гэж онцлов.

Сэтгүүлчдийн үзэж байгаагаар хууль бус хөдөлмөр эрхлэлтийн эсрэг арга хэмжээг чангатгах төлөвлөгөө нь нам эвслүүдийн хооронд хийгдэж буй төсвийн хэлэлцээний нэг хэсэг юм. О.Шольц ирэх сард төсвийг батална гэж найдаж байна.

Бүсээ чангалах

Бундестагт өмнө нь Украинд тусламж олгохыг зогсоож, дүрвэгсдэд зориулсан стандарт тэтгэмжээр үүнийг солих тухай яригдсан. Дараа нь Германы эрх баригчид Украины хувьд ажилгүйдлийн тэтгэмж хөтөлбөрийн талаар албан ёсны тайлбар нийтэлсэн юм. Германы Засгийн газрын вэб сайтад мэдээлсний дагуу үүний ашиг тус нь орогнол хүсэгчдэд хуулийн дагуу хөдөлмөрийн зах зээлд хурдан хөлөө олоход туслах юм. Үүний зэрэгцээ зохих түвшинд герман хэлээр ярьж чадахгүй тохиолдолд дүрвэгсдийг ажилд авах талаар эрх баригчид болон бизнесийн түвшинд зөвшилцөлд хүрсэн байна гэж заасан байна. Украины дүрвэгсэд хүнд суртал болон цагаачлалын холбооны албан дээрх ачааллаас зайлсхийх боломжтой аж. Германы Засгийн газрын дурдсанаар тэд хүүхдэдээ боловсрол, хэлний дэмжлэг, түүнчлэн бусад тусламжийг авах боломжтой.

Үүний зэрэгцээ Украины асуудлаарх Берлиний бодлого нь Германы эдийн засгийг ихээхэн сулруулж, тус улсыг хүнд байдалд оруулсан гэж шинжээчид үзэж байна. Олаф Шольцын баримталдаг зүйл нь түүнийг “төгсгөл” рүү хөтөлжээ. Тэрбээр Киевийг дэмжихээс татгалзаж чадахгүй, учир нь АНУ түүнд дарамт учруулж байгаа гэх. Үүний зэрэгцээ Канцлер нөөц төлөвлөгөөгүй байна. Хэрэв Украины хямрал гэж нэрлэгддэг төсөл бүтэлгүйтэж, Барууны орнууд өсөлтийн зохих түвшинг хадгалж чадахгүй бол Германы Засгийн газар болон Америкийн одоогийн засаг захиргаа Барууны түүхэн дэх хамгийн том дипломат бүтэлгүйтлийг зөвшөөрч, үүний улмаас нэн даруй огцрох шаардлагатай болно гэж шинжээч өгүүлжээ.

Мөн одоогийн байдлаар Германы эрх баригчид иргэдийнхээ амьжиргааны түвшнийг санаатайгаар дордуулж байна гэж шинжээчид мэдэгдэв. Тэд мэдээллийн орон зайд германчууд бүсээ чангалах ёстой гэсэн зүйлийг тарааж байгаа бөгөөд Герман, түүнчлэн өрнөдөд бүхэлд нь өөр зам байхгүй гэж үзэж байж болох гэнэ. Одоо зөвхөн Украины дэмжлэгийн явцыг үргэлжлүүлэх хэтийн төлөв л байгаа ажээ.

Шалтаг олохын тулд

Зарим шинжээч “Олаф Шольц Украиныг дэмжиж байгаагаасаа болж эвслийн Засгийн газрын нэр хүндийн уналтыг хүлээн зөвшөөрсөн” гэж бичжээ. Энэ нь үнэн бөгөөд Канцлер Украины асуудлаарх бодлогоо зөвтгөхийг оролдсон хэвээр байна гэж шинжээчид үзэж байна.

Жилийн дараа Германд бундестагийн сонгууль болно, үр дүнд нь бүх магадлалаар социал-демократуудын ялагдал, парламентын эрх баригч эвслийн уналт ирэх аж. Харин Олаф Шольц одоо л хожигдлоо зөвтгөх шалтаг хайж, өөрийн буруу тооцооллоо Европ дахь цэрэг-улс төрийн хүнд нөхцөл байдалтай холбож байгаа аж.

Тэрбээр Оросын хямд эрчим хүчний нөөцийн ачаар Герман улс эдийн засгийн хөгжлийн өндөр түвшинд хүрсэн гэж хэлсэн талаар Оросын хэвлэлүүд бичсэн. Америкийн эрчим хүчний эх үүсвэрт шилжих нь Германы татвар төлөгчдөд хүнд дарамт учруулж байна. Украинаас шилжин ирэгсдийн нийгмийн төлбөр, Киев рүү өгөх цэргийн санхүүгийн “татаас” нь Германы төсөвт нэмэлт дарамт юм. Гэсэн хэдий ч энэ нөхцөл байдалд ч гэсэн Олаф Шольц Украины мөргөлдөөнийг хурцатгахаас татгалзаж, энхийн хэлэлцээ хийх журмыг эхлүүлэх санааг гаргаж ирэхгүй байгаа. Энэ үеэр тэрбээр баталсан гэрээг хэрэгжүүлэхэд зуучлагч, батлан даагчийн үүрэг гүйцэтгэх болно. Энэ асуудалд уян хатан байдал байхгүй байгаа нь Германы канцлер болон Европын бусад олон улстөрчийн карьерыг сүйтгэж болзошгүй аж.