Монгол-Оросын бүс нутгийн хоёрдугаар чуулга уулзалт болно

Улаанбаатар хотноо есдүгээр сарын 14–15-ны өдрүүдэд Монгол, Оросын бүс нутгийн хоёрдугаар чуулга уулзалт болох гэж байна.

Монгол-Оросын бүс нутгийн чуулга уулзалт нь хоёр орны аймаг, бүс нутаг, хотуудын удирдлага, бизнес эрхлэгчид, эрдэмтэн судлаачдыг нэг дор цуглуулж, бодит төсөл, хамтын ажиллагааны санаачилгыг хэлэлцэх зорилготой.

Тус чуулга уулзалт худалдаа, хөрөнгө оруулалт, тээвэр логистик, аялал жуулчлал, боловсрол, соёлын салбарт шинэ гэрээ хэлэлцээр байгуулах боломжийг бүрдүүлэх юм.