ДАШТ: С.Цэрэнчимэд, Г.Отгонжаргал нар ТУН УДАХГҮЙ дэвжээнд гарна

З.Тэмлүүн | Zindaa.mn
2022 оны 09 сарын 12

Zindaa.mn сайтын спортын тоймч,  сэтгүүлч М.Сугар-Эрдэнэ Сербийн нийслэл Белград хотноо болж буй чөлөөт, сонгомол бөхийн Дэлхийн аварга шалгаруулах тэмцээн (ДАШТ)-ийг албан ёсны эрхтэйгээр сурвалжилж байна. 

Чөлөөт, сонгомол бөхийн ДАШТ Сербийн нийслэл Белград хотноо гурав дахь өдрөө үргэлжилж байна. Эхний өдрүүдэд сонгомолын бөхчүүд медальтнуудаа тодруулсан бол өнөөдрөөс чөлөөтийнхөн дэвжээнд гарах юм.

Энэ өдөр эмэгтэй чөлөөт бөхийн 55, 62 кг-ын урьдчилсан болон хагас шигшээ барилдаан явагдах бөгөөд Монгол Улсаас 55 кг-д залуу тамирчин Г.Отгонжаргал, 62 кг-д дэлхийн аварга С.Цэрэнчимэд нар зодоглож байна.

Г.Отгонжаргалын хувьд нэгийн даваанд гоц мөргөж, шөвгийн 32-т дэлхийн аварга цолтой америк бөх Жакарра Винчестертэй барилдах сугалаа татжээ.

Харин С.Цэрэнчимэд Ази тивийн хошой аварга Хятадын Луо Шяо Жюаньтай нэгийн даваанд барилдахаар болоод байгаа юм. Урьдчилсан барилдаан Улаанбаатарын цагаар 17:30 цагт эхэлнэ.

Энэ жилийн ДАШТ-д манай бөхчүүд ахлах дасгалжуулагч Ц.Баярсайхан, шигшээ багийн дасгалжуулагч Т.Сүхбаатар, Б.Баяраа, Ц.Цогтбаяр, Б.Батзориг, С.Мөнхдуулдах нарын удирдлага дор эрэгтэй, эмэгтэй бүтэн багаараа оролцож буй.

МОНГОЛЫН БАГИЙН БҮРЭЛДЭХҮҮН

Эрэгтэй

57 кг: Занданбудын Занабазар (Хилчин)

61 кг: Нармандахын Наранхүү (Хасу-Мегастарс)

65 кг: Цэвээнсүрэнгийн Цогбадрах (Алдар)

70 кг: Энхтуяагийн Тэмүүлэн (Хасу-Мегастарс)

74 кг: Олонбаярын Сүлдхүү (Алдар)

79 кг: Алтанзулын Дөлгөөн (Хасу-Мегастарс)

86 кг: Бямбасүрэнгийн Бат-Эрдэнэ (Хилчин)

92 кг: Ганбаатарын Ганхуяг (МУБИС)

97 кг: Өлзийсайханы Батзул (Хангарьд)

125 кг: Мөнхтөрийн Лхагвагэрэл (Хилчин)

Эмэгтэй

50 кг: Долгоржавын Отгонжаргал (Женко)

53 кг: Батхуягийн Хулан (Аврагч)

55 кг: Ганбаатарын Отгонжаргал (Алдар)

57 кг: Эрхэмбаярын Даваачимэг (Хилчин)

59 кг: Бат-Эрдэнийн Эрдэнэсувд (Женко)

62 кг: Сүхээгийн Цэрэнчимэд (Алдар)

65 кг: Өлзийсайханы Пүрэвсүрэн (Баянхонгор)

68 кг: Энхсайханы Дэлгэрмаа (Хүч)

72 кг: Энх-Амарын Даваанасан (Алдар)

76 кг: Ганбатын Ариунжаргал (Алдар)

ДАШТ-ий хуваарийг ЭНД ДАРЖ үзэх боломжтой.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Үү (59.153.114.152)  2022 оны 09 сарын 13

Хоёулаа хусуулсан.гараа муу л байна даа

1  |  1
Зоч (59.153.114.65)  2022 оны 09 сарын 16

64-119 -д:Чиний хувьд тийм байж болох ч бусад хүмүүст өөр.Ядахдаа бусдыг хүлээн зөвшөөрч сураарай.Ухаарахад оройтохгүй.Одоо дэлхийн нийт хүн амын хагасыг эзлэх хүн амтай том орнууд чөлөөт бөхийг хөгжүүлж байна.Жишээ нь Америк,Япон,Хятад ,Энэтхэг,Герман, Бразил, Канад,Орос ,Нигэр гээд л...

3  |  1
Зочин (64.119.18.9)  2022 оны 09 сарын 14

Манай дэвжээ арчигчид шалихгуй байх аа, челеет ч сенеж байгаа спорт доо, ийм хогийн юмны ДАШТ нэртэй даржин тэмцээн хэнд ч сонин биш ш дээ

2  |  6
Top