БАЙР СУУРЬ: УИХ-ын гишүүд С.Баярцогтын оффшор дансны талаар...

М.Хангал | Zindaa.mn
2019 оны 03 сарын 18

Швейцарын холбооны улсад ажлын айлчлал хийсэн УИХ-ын дарга Г.Занданшатарыг дагалдан явсан УИХ-ын гишүүн Т.Аюурсайхан твиттер хуудсаараа дамжуулан /2019.03.15/ “Швейцарын Холбооны Улсын “Credit Suisse AG” банкин дахь С.Баярцогтын оффшор дансны хуулгыг тээж очно” гэж мэдэгдсэн. Түүний мэдээлж байгаагаар Швейцарын тал Монголын УИХ-ын даргын айлчлалын үеэр Сангийн сайд асан С.Баярцогтын оффшор бүсэд ашиглаж байсан 2008.09.30-2013.12.31-ны хооронд гүйлгээ хийж ашигласан ам.долларын 3, еврогийн 2 данс, нийт 5 дансны мэдээллийг өгсөн байна.

Энэ асуудалд УИХ-ын гишүүд болон сайд нарын байр суурийг сонирхлоо.

 

Зарим материалыг дипломат паспорттой хүмүүсээр явуулдаг

-УИХ-ын гишүүн, ГХ-ны сайд, Д.Цогтбаатар: Албан ёсны шугамаар дэд шуудан болгож дамжуулсан гэж ойлгож байна. Миний ойлгож байгаагаар ГХЯ-нд энэ мэдээллийг дамжуулж өгөөрэй гэж өгсөн байх. Удахгүй бидэнд өгөх байх. Бид нар АТГ-т ном журмынх нь дагуу өгнө. Угаасаа манай хууль хяналтын байгууллагууд эрхзүйн туслалцааны гэрээтэй орнуудтайгаа байнгын харилцаатай байдаг. Манай дипломат паспорттой албаны хүмүүс очиход хэрэгтэй холбоотой материалуудыг дамжуулж өгч байгаа юм. Угаасаа зарим материалыг ингэж дипломат паспорттой хүмүүсээр явуулдаг.

 

Хуулийнхан сул гишүүнээс дор ажиллаж байгаа бол ажлаа өгөх ёстой

-УИХ-ын гишүүн, ЗГХЭГ-ын дарга Л.Оюун-Эрдэнэ: Хуулгыг авчирсан гишүүнээс өөрөөс нь асуух хэрэгтэй байх. Ер нь өгч болдог мэдээлэл юм бол аваад задлахад буруу нь юу байгаа юм. Одоохондоо би баримттай тайлбарлаж чадахгүй байна. Швейцарийн банк өгсөн нь үнэн бол түүнийг нуух ямар хэрэг байгаа юм. Хууль хяналтын байгууллага сул гишүүнээс дор ажиллаж байгаа бол ажлаа өгөх ёстой шүү дээ.

Сэтгэгдэл ( 6 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Монгол(202.179.24.87) 2019 оны 03 сарын 19

АТГ авчихаад нуучихсаныг нь илчилчихлээ. Одоо яах бол

0  |  0
Иргэн(64.119.16.114) 2019 оны 03 сарын 19

ИНГЭХЭД БАЯРЦОГТ ЯМАР ХУУЛЬ ЗӨРЧСӨН ЮМ БОЛОО! ОФФШОРТОЙ КОММУНИСТУУД ЗӨНДӨӨ ОЛОН БАЙГАА ГЭСЭН БИЗ ДЭЭ?

0  |  0
Zocnin(68.145.61.75) 2019 оны 03 сарын 18

Odoo saihan balagiin offshor dansiig yawj shalgaacnee

0  |  0
mglhuu(82.233.228.208) 2019 оны 03 сарын 18

Bayarzogt-iin hereg id jonhuurch bui ene uyed huulga irsen ni yamai

0  |  0
тэнэг(122.201.28.13) 2019 оны 03 сарын 18

Мэдрэл муутай байхоо.

0  |  0
Top