Жастин Бибер эхнэрийнхээ төлөө тайзаа орхижээ

25 настай дуучин Жастин Бибер хэсэг хугацаанд шоу бизнесийг орхижээ. Тэрбээр урлагтаа хайртай ч одоо гэр бүл, эрүүл мэнд нь нэгдүгээрт тавигдаж байгааг хэлсэн байна.

Сэтгэлзүйн байдлаа хэвийн болгож, гэрлэлтээ хадгалж үлдэх, сайн аав болоход анхаарах хэрэгтэй байгаагаа Жастин Бибер фэнүүддээ хандан учирлажээ. Тэрбээр хэзээ нэгэн цагт шинэ цомогтой эргэн ирж, эргээд урьдынх шигээ эрч хүчтэй, хөгжилтэй нэгэн болохоо амалсан байна.

Жастин саяхан хүнд сэтгэл гутралыг даван туулж байгаагаа ярьсан билээ. Тэрбээр сэтгэлзүйн курс эмчилгээнд явж байгаа аж. Эргэн хэвийн байдалдаа ороход нь түүнд эхнэр Хэйли нь маш их тусалж байгаа гэнэ.