"Зайсан орчмын байрны дороос хөрсний ус ихээр гарах боллоо"

20 цагийн өмнө

Нийслэлийн Онцгой комиссын өчигдөр /2019.06.17/ хуралдаж, өнгөрсөн өдрүүдэд үргэлжлэн орсон борооны улмаас үүссэн нөхцөл байдал, цаашид авч хэрэгжүүлэх арга хэмжээний талаар хэлэлцлээ.

Нийслэлийн Онцгой байдлын газрын дэд дарга, дэд хурандаа Б.Мягмардорж: Цаг уур, орчны шинжилгээний газраас энэ сарын 14-17-ны өдрүүдэд үргэлжилсэн усархаг бороо орно гэсэн мэдээллийг үндэслэн байгууллагуудын хүн хүч, техникийн бэлэн байдлыг хангуулах, үер болсон тохиолдолд ажиллах хүн хүчний судалгааг гаргах зэрэг холбогдох байгууллагуудад үүрэг чиглэл өгч ажилласан. 15-ны өдрийн хүчтэй салхины улмаас замын хайс, хашлага, рекламны самбар нурсан, барилгын гадна пасад, дээвэр ховхорсон, ургаа мод хурагсан зэрэг 16 дуудлага мэдээлэл ирсэн. Мэдээллийн дагуу УСУГ, УБЗАА, НОБГ, НМХГ зэрэг мэргэжлийн байгууллагууд хамтран хариу арга хэмжээг шуурхай зохион байгуулж ажиллалаа.

УСУГ-ын дарга Ц.Төрхүү: Хоёр өдөр үргэлжлэн орсон усархаг борооны улмаас барилга байшингуудын зоорийн давхарт хөрсний ус маш их хэмжээгээр нэвчсэн. Ялангуяа Энхтайвны гүүрнээс урагш байрнуудын дороос хөрсний ус ихээр гарч эхэлсэн. Байгууллагууд насосоор соруулсан усаа бохирын худаг руу хийж байна. Энэ нь төв цэвэрлэх байгууламжид ирж буй усны хэмжээг эрс нэмэгдүүлж байна. Энэ тал дээр мэргэжлийн байгууллагууд нь арга хэмжээ авах хэрэгтэй. Цаашид ийм байдлаараа байвал цэвэрлэх байгууламж дээр хүндрэлтэй нөхцөл байдал үүсэх магадлалтай.

Геодези, усны барилга, байгууламжийн газрын дарга Т.Цэрэнноров: Үерийн усны эрсдэлтэй бүс, үерийн далан дээр зөвшөөрөлтэй, зөвшөөрөлгүй буусан айлууд маш их байна. Одоо борооны улирал ирж байна. Энэ айлуудыг нүүлгэн шилжүүлж, арга хэмжээ авахгүй бол хүндрэлтэй нөхцөл байдал үүсэх магадлалтай. Үерийн усны аман дээр бууж, голдирлыг өөрчилсөн иргэн, ААН хуулийн дагуу хэрхэн арга хэмжээ авч байгаа юм гэдгийг мэргэжлийн байгууллагуудаас асуумаар байна.

Нийслэлийн Мэргэжлийн хяналтын газрын дарга Л.Эрдэнэчулуун: Аливаа эрсдэл гарахад цагдаа, онцгой, мэргэжлийн хяналтын байгууллагууд нөхцөл байдлын газар дээр ажиллах үүрэгтэй. Үер усны зурваст буугаад байгаа айлуудын хувьд дүүргүүд ажлаа хийх хэрэгтэй. Дүүргийн Засаг дарга нар энэ айлуудад арга хэмжээг нь авч, мэдэгдэл өгч ажлаа хийх хэрэгтэй. Түүнчлэн Хот байгуулалт хөгжлийн газар зэрэг зөвшөөрөл өгдөг байгууллагууд нь өөрсдөө ажлаа хийх хэрэгтэй байна. Өөрсдөө хууль бус зөвшөөрлүүд олгочихдог, түүнийхээ араас хяналт тавьдаггүй. Чиг үүргийнхээ дагуу холбогдох байгууллагууд анхаарлаа тавьж ажилламаар байна. Мэргэжлийн хяналтын байгууллага зөвшөөрөлгүй буусан айлуудыг зохицуулдаг газар биш. Бид зөрчил гаргасан нөхцөлд хариуцлага тооцдог. Адаглаад Газар зохион байгуулалтын албаныхан хаана хаана зөвшөөрөлгүй газруудынхаа судалгаа, жагсаалтыг гараад өгчих хэрэгтэй. Хот байгуулалт хөгжлийн газар ч мөн зөвшөөрөлгүй баригуудынхаа жагсаалтыг гаргаад өг. Тэгвэл манай байгууллагын зүгээс зөрчлийн хэрэг үүсгээд, шалгах, хариуцлага тооцох боломжтой.

Нийслэлийн Засаг дарга бөгөөд Улаанбаатар хотын Захирагч, нийслэлийн Онцгой комиссын дарга С.Амарсайхан “Төрийн байгууллагууд уялдаа холбоогоо хангаж, шуурхай ажилла. Болзошгүй үер усны гамшгийн үед учирсан хор уршгийг арилгахад нэгдсэн удирдлагаар хангаж, яаралтай зохицуулалтыг Улаанбаатар хотын Захирагчийн ажлын албаныхан хийж ажиллах хэрэгтэй. Ажил үүргээ гүйцэтгээд араас нь тавих хяналт тавих асуудал маш чухал. Үерийн далан, суваг шуудууны бүрэн бүтэн байдлыг хангаж, цэвэрлэгээ үйлчилгээг маш сайн хийж байх хэрэгтэй. Ус их хэмжээгээр тогтсон газрууд болон барилга байгууламжийн суурийн давхарт хуримтлагдсан усыг соруулах, зайлуулахад бүгд уялдаа холбоогоо хангаж, оролцож ажиллах хэрэгтэй” хэмээн уялдаа холбоогоо ханган ажиллахыг Онцгой комиссын гишүүдэд анхаарууллаа.

Сэтгэгдэл ( 9 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
hohi ni(194.230.158.225) 2019 оны 06 сарын 21

hohineeeee har hulgaichuud udam ugsaagui bolj uiliin uree diilehee bna baigal delhii hariugaa avch l taaraa

0  |  0
Zoch(182.160.36.97) 16 цагийн өмнө

Ataarhsan hyniig byrhan shiitgene dee

0  |  0
G(123.200.86.176) 17 цагийн өмнө

Xursnii gulgalt boloh bhda zaisand baychuudaa lyivardaad ard tvmnee ix zovoox tusam vil n neg musun irne dee

0  |  0
G(123.200.86.176) 17 цагийн өмнө

Xursnii gulgalt boloh bhda zaisand baychuudaa lyivardaad ard tvmnee ix zovoox tusam vil n neg musun irne dee

0  |  0
G(123.200.86.176) 17 цагийн өмнө

Xursnii gulgalt boloh bhda zaisand baychuudaa lyivardaad ard tvmnee ix zovoox tusam vil n neg musun irne dee

0  |  0
G(123.200.86.176) 17 цагийн өмнө

Xursnii gulgalt boloh bhda zaisand baychuudaa lyivardaad ard tvmnee ix zovoox tusam vil n neg musun irne dee

0  |  0
зочин(117.111.12.107) 2019 оны 06 сарын 21

хэдэн луйварчидын орон сууцанд ус орлоо гээд татвар төлөгчидийн мөнгөөр тэрийг нь зайлуулдаг байж болохгүйээ. ихэнх нь аялал жуулчилалын нэрээр газар аваад орон сууц барьсан байгаашдээ. тэр газрууд нь хууль зөрчсөн байхад ингээд толгойг нь илээд байхуу новшнуудаа. нэг мөр томоохон үер буугаад урсгаад хаячихаасай гэж бодогдохын

2  |  0
бодлын хулгайч(66.181.167.53) 8 цагийн өмнө

БОРОО ИХ ОРВОЛ ЗАЙСАН БУДАА БОЛНО. ЭНЭ БОЛ БИЧИГДЭЭГҮЙ БАЙГАЛИЙН ХУУЛЬ. МӨНГӨӨ АВСАН НЬ Ч ЯАХАВ. МӨНГӨӨ ӨГСӨН НЬ ХОХИРОООД Л ҮЛДЭНЭ ДЭЭ. ХҮН Л БИТГИЙ ҮХЭЭСЭЙ. БУРХАН МИНЬ

1  |  0
b(66.181.168.8) 20 цагийн өмнө

ugaasaa zaisand yah gej barilga barisiin

0  |  0
Top