“Амгалан” дулааны станц орчмын үерийн хамгаалалтын барилга байгууламжийн ажил эхэллээ
Нийслэлийн Засаг дарга бөгөөд Улаанбаатар хотын Захирагч С.Амарсайхан 2015 оноос хойш газар чөлөөлөхтэй холбоотой маргааны улмаас 4 жил удааширсан Баянзүрх дүүргийн 8,10 дугаар хороодын нутаг дэвсгэр дэх УС-15, “Амгалан” дулааны станцын орчмын үерийн хамгаалалтын барилга байгууламжийн ажлын явцтай энэ сарын 8-ны өдөр газар дээр нь танилцаж, тухайн ажлыг эрчимжүүлэх үүрэг даалгавар өгсөн билээ. Тодруулбал, үерийн суваг барих ажлын трассд орсон айлыг чөлөөлөх үүрэг даалгаврыг нийслэлийн Газар зохион байгуулалтын албанд, газар чөлөөлөлт хийгдсэний дараа барилгын ажлыг шуурхай үргэлжлүүлэхийг нийслэлийн Хөрөнгө оруулалтын газарт, үерийн усны үерийн байгууламжийн цэвэрлэгээ хийх, авто зам руу ус орохоос сэргийлэх арга хэмжээ авах, шороон замыг тэгшлэх, засах, хайргаар хучих зэрэг үүрэг даалгаврыг Геодези усны барилга байгууламж ОНӨААТҮГ-т, Улаанбаатар зам засвар арчлалт ОНӨААТҮГ, Баянзүрх дүүргийн Засаг дарга нарт тус тус үүрэг болгосон.
Эрдэнэтолгой, УС-15 орчмын үерийн хамгаалалтын барилгын ажил нь 2 үндсэн сувгаас бүрдэх ба нэгдүгээр сувгийн трассын газрыг чөлөөлөх асуудлаар нийслэлийн Газар зохион байгуулалтын албанаас газар өмчлөгчтэй харилцан тохиролцоонд хүрч хашаа, байшинг буулгах ажил эхэлсэн ба энэхүү сувагт хэрэглэх төмөр бетон эдлэлүүдийг бэлдэж дуусчээ. Тэгвэл үерийн хамгаалалтын хоёрдугаар сувгийн трапец суурийн цутгалтын ажил дуусч, хажуу налуугийн төмөр бетон эдлэлийг угсрах ажил хийгдэж байна. Энэ ажилд нийслэлийн Хөрөнгө оруулалтын газар хяналт тавин ажиллаж байна.
Үерийн байгууламжийн барилгын ажил дуустал тухайн орчны айл өрхийг усанд автахаас сэргийлэх зорилгоор Геодези, усны барилга байгууламж ОНӨААТҮГ, Баянзүрх дүүргийн “Нийтлэг үйлчилгээний газар-4” ОНӨААТҮГ-аас үерийн далан сувгийн хог хаягдлыг цэвэрлэх, зам дагуу шороон далан босгох ажлыг гүйцэтгэв.
Их хэмжээний үерийн усны нөлөөгөөр эвдэрсэн шороон замыг хайргаар хучиж, засах ажлыг Улаанбаатар зам засвар арчлалт ОНӨААТҮГ-аас судлан холбогдох төсөв, тооцоог гарган нийслэлийн Авто замын хөгжлийн газарт хүргүүлсэн байна.
|
Нийслэлийн Засаг дарга 2019.08.09-ний өдөр үерийн хамгаалалтын барилгын ажилтай танилцсан байдал |
БЗД-ийн ТҮК-ээс үерийн сувгййн трассын дагуу цэвэрлэгээ хийв. |
|
1-р сувагт хэрэглэх төмөр бетон эдлэлүүд |
2-р сувгийн трапецын суурь цутгалт дуусав. |
|
Ахуйн хог хаягдлыг цэвэрлэв. |
|
|
Үерийн ус зайлуулах сувгийг цэвэрлэх, бөглөрлийг арилгав.
|
Геодези усны барилга байгууламж ОНӨААТҮГ-аас шороон далан босгов. |
Холбоотой мэдээ
Сэтгэгдэл ( 2 )
za erdenetolgoin zamig uus 15 tai holboj baigaa zamig zasmal bolgoj ugnuu zamin evdrel sharhadnaas ursaj irj baigaa gol ursgalin guur haylag zergiig yanzlaj ugnuu bitiiil neg zam deer baigaa hoer golig hayaraadaa yanzlaj ugnuu hotin dargaa ta sayni zurag avhuulsan gazarluu ter heseg golin us togtoj baigaa gazaraar garj ochson baij taraa medsen bailguu
Сайн байна уу хатагтай, эрхэм ээ Бид бол хүмүүсийн хүсэл мөрөөдлөө хэрэгжүүлэх боломжийг олгох үүднээс хувь хүмүүсийн хооронд зээл санал болгодог санхүүгийн бүтэц юм. Хэрэв танд хувийн төсөл байгаа бол; эсвэл санхүүжилт хэрэгтэй. Хэрэв та сонирхож байгаа бол бидэнтэй холбоо барьж, зээл авах хүсэлтэй байгаа дүн болон таны эргэн төлөх хугацааг хэлж өгнө үү. 3000 - 15,000,000 долларын зээлийн эргэлт и-мэйл: matildalecoustre@gmail.com wathsapp: 0022 995 414 913